નાગાલેન્ડ, આસામ, મણીપુરમાંથી આસ્પા કાયદો હટાવાયો, અમિત શાહે આપી જાણકારી

છેલ્લા કેટલાય વર્ષોથી વિરોધ થયા બાદ હવે આખરે કેન્દ્ર સરકારે આસ્પા કાયદાને હટાવી દીધો છે,

AFSPA

નવી દિલ્હીઃ છેલ્લા કેટલાય વર્ષોથી વિરોધ થયા બાદ હવે આખરે કેન્દ્ર સરકારે આસ્પા કાયદાને હટાવી દીધો છે, આ કાયદો નાગાલેન્ડ, આસામ અને મણીપુરમાંથી હટાવવામાં આવ્યો છે. આ વાતની જાણકારી ખુદ કેન્દ્રીય ગૃહ મંત્રી અમિત શાહે ટ્વીટ કરીને આપી છે. AFSPA એ સેનાને વિશેષાધિકાર આપતો એક ખાસ કાયદો છે.

અમિતા શાહે ટ્વીટ કરીને આપી જાણકારી - 
કેન્દ્રીય ગૃહ મંત્રી અમિત શાહે ટ્વીટ કરીને લખ્યું - AFSPA અંતર્ગત ક્ષેત્રોમાં સુરક્ષાની સ્થિતિમાં સુધારો આવ્યો છે, અને વડાપ્રધાન દ્વારા ઉત્તરપૂર્વમાં સ્થાયી શાંતિ લાવવા અને ઉગ્રવાદને સમાપ્ત કરવા માટે સતત પ્રયાસો અને કેટલાક કરારના કારણે ઝડપથી વિકાસનુ પરિણામ છે. 

Reduction in areas under AFSPA is a result of the improved security situation and fast-tracked development due to the consistent efforts and several agreements to end insurgency and bring lasting peace in North East by PM @narendramodi government.

— Amit Shah (@AmitShah) March 31, 2022

AFSPA (Armed Forces (Special Powers) Act) -
AFSPA એટલે સશસ્ત્ર સેના વિશેષાધિકાર કાયદો છે, જે ઉપદ્રવગ્રસ્ત પૂર્વોત્તરમાં સેનાને કાર્યવાહીમાં મદદ માટે 11 સપ્ટેમ્બર 1958એ પાસ કરવામાં આવ્યો હતો. વળી, જ્યારે 1989ની આસપાસ જ્યારે જમ્મૂ અને કાશ્મીરમાં આતંકવાદ વધવા લાગ્યો ત્યારે આ કાયદાને 1990માં ત્યાં પણ લાગુ કરી દેવામાં આવ્યો હતો. 

ઉલ્લેખનનીય છે કે, આ પહેલા કેન્દ્રીય ગૃહ મંત્રાલયે મેઘાલયમાં પણ અફસ્પાનો કાયદો હટાવી દીધો હતો, આ પહેલા કેન્દ્ર સરકારે અરૂણાચલ પ્રદેશના કેટલાક વિસ્તારોમાંથી અફસ્પાનો હટાવી દઇને વિકાસને વેગ આપવા માટે રસ્તો ખોલી નાંખ્યો હતો. 

આર્મ્ડ ફોર્સ સ્પેશિયલ પાવર એક્ટ એ અફસ્પા તરીકે ઓળખાય છે આ કાયદો ૧૯૫૮માં બનાવાયો હતો અને ૧ સપ્ટેમ્બર ૧૯૫૮થી સેવન સિસ્ટર્સ તરીકે ઓળખાતા દેશના ઉત્તર પૂર્વ રાજ્યો આસામ, મણિપુર, ત્રિપુરા, મેઘાલય, અરૂણાચલ પ્રદેશ, મિઝોરમ અને નાગાલેન્ડમાં લાગુ પડાયો હતો. ત્યારબાદ કાશ્મીર, પંજાબ અને ચંડીગઢમાં પણ આ અફસ્પાનો કાયદો લાગુ કરાયો હતો. જોકે પંજાબ અને ચંદીગઢમાં ૧૯૯૭માં આ કાયદો હટાવી લેવાયો હતો જ્યારે ૧૯૯૦થી કાશ્મીરમાં લાગુ કરાયેલો અફસ્પાનો કાયદો આજદિન સુધી ચાલુ છે.

આ પણ વાંચો.........