કાશ્મીરમાં આતંકીઓએ એક વ્યક્તિની ગોળી મારી કરી હત્યા, કાશ્મીર છોડવાના ધમકીભર્યા પોસ્ટર પણ લગાવ્યા

દક્ષિણ કાશ્મીરના કુલગામ જિલ્લાના કાકરાન વિસ્તારમાં આતંકવાદીઓએ એક વ્યક્તિની ગોળી મારીને હત્યા કરી હતી

પ્રતિકાત્મક તસવીર

કાશ્મીરઃ દક્ષિણ કાશ્મીરના કુલગામ જિલ્લાના કાકરાન વિસ્તારમાં આતંકવાદીઓએ એક વ્યક્તિની ગોળી મારીને હત્યા કરી હતી. આ વ્યક્તિની ઓળખ કાકરાન કુલગામના રહેવાસી સતીશ સિંહ રાજપૂત તરીકે થઈ છે. એક અધિકારીના કહેવા પ્રમાણે, શંકાસ્પદ આતંકવાદીઓએ કાકરાનમાં એક વ્યક્તિને ગોળી મારી હતી, જેનું હોસ્પિટલમાં સારવાર દરમિયાન મૃત્યુ થયું હતું. તેમણે કહ્યું કે હુમલાખોરોને પકડવા માટે વિસ્તારને કોર્ડન કરી લેવામાં આવ્યો છે.

I unequivocally condemn the attack on Satish Kumar Singh in which he lost his life. There can never be a justification for attacks like these. May his soul rest in peace & may his family find strength during this difficult time.

— Omar Abdullah (@OmarAbdullah) April 13, 2022

આ હત્યાની જવાબદારી આતંકવાદી સંગઠને લીધી હતી

પોલીસના જણાવ્યા અનુસાર, કાશ્મીર ફ્રીડમ ફાઈટર્સ નામના આતંકવાદી સંગઠને વ્યવસાયે ડ્રાઈવર સતીશ સિંહની હત્યાની જવાબદારી લીધી છે.કુલગામ જિલ્લામાં પોસ્ટરો જોવા મળ્યા જેમાં એક અજાણ્યા આતંકવાદી સંગઠને સ્થાનિકો ના હોય તેવા લોકોને કાશ્મીર છોડવાની ચેતવણી આપી છે. કાશ્મીરી પંડિતોને ખીણ છોડવા માટે આ ચેતવણી આપવામાં આવી છે.

ઓમર અબ્દુલ્લાએ હુમલાની નિંદા કરી હતી

#UPDATE Civilian Satish Kumar Singh, a resident of Kulgam, succumbed to his injuries at the hospital. Terrorists involved in this gruesome terror crime will be neutralised soon. Search to track the involved terrorists in progress: Police

— ANI (@ANI) April 13, 2022

જમ્મુ-કાશ્મીરના પૂર્વ સીએમ ઓમર અબ્દુલ્લાએ સતીશ સિંહના મૃત્યુ પર શોક વ્યક્ત કરતા હુમલાની નિંદા કરી હતી. તેમણે કહ્યું કે આવા હુમલાઓને ક્યારેય યોગ્ય ઠેરવી શકાય નહીં.

#UPDATE Terrorists fired upon a civilian namely Satish Kumar Singh, driver by profession, resident of Kakran, Kulgam. He has been shifted to the hospital for treatment. The area was cordoned off. Further details shall follow: Police

— ANI (@ANI) April 13, 2022

આ વર્ષે અત્યાર સુધીમાં 49 આતંકવાદીઓ માર્યા ગયા છે

નોંધનીય છે કે જમ્મુ-કાશ્મીરમાં 1 જાન્યુઆરીથી અત્યાર સુધીમાં 49 આતંકવાદીઓ ઠાર મારવામાં આવ્યા છે. તે સિવાય 71 આતંકીઓની ધરપકડ કરવામાં આવી છે. 3 આતંકવાદીઓએ આત્મસમર્પણ કર્યું છે. એપ્રિલમાં જ ઓપરેશન દરમિયાન 8 આતંકવાદીઓ માર્યા ગયા હતા અને 10ની ધરપકડ કરવામાં આવી હતી.

J&K | Terrorists shot at a person in the Pombay Kamprim area of Kulgam district. The person is shifted to a hospital. Further details awaited: Police

— ANI (@ANI) April 13, 2022