Coronavirus: આ મોટા રાજ્યમાં કારમાં માસ્ક પહેરવાનું મરજીયાત કરવામાં આવ્યું, જાણો વિગત

Delhi News: દિલ્હીમાં ખાનગી વાહનોમાં એકસાથે મુસાફરી કરતા લોકોને રાહત આપવા માટે, દિલ્હી ડિઝાસ્ટર મેનેજમેન્ટ ઓથોરિટીએ એક આદેશમાં જણાવ્યું કે માસ્ક વિના પકડાયેલા લોકો માટે કોઈ દંડ વસૂલવામાં આવશે નહીં

ફાઈલ તસવીર

Coronavirus:  કોરોના વાયરસના સંક્રમણના કેસમાં ઘટાડો થતાં આજે કેજરીવાલ સરકારે દિલ્હીના લોકોને મોટી રાહત આપી છે. દિલ્હીમાં ખાનગી ફોર વ્હીલરમાં મુસાફરી કરતા લોકો માટે હવે માસ્ક પહેરવાનું ફરજિયાત રહેશે નહીં. દિલ્હી સરકારે શનિવારે જારી કરેલા આદેશમાં કહેવામાં આવ્યું છે કે આ નવો નિયમ સોમવારથી લાગુ થશે.

દિલ્હીમાં ખાનગી વાહનોમાં એકસાથે મુસાફરી કરતા લોકોને રાહત આપવા માટે, દિલ્હી ડિઝાસ્ટર મેનેજમેન્ટ ઓથોરિટી (DDMA) એ શનિવારે એક આદેશમાં જણાવ્યું કે માસ્ક વિના પકડાયેલા લોકો માટે કોઈ દંડ વસૂલવામાં આવશે નહીં. શુક્રવારે ડીડીએમએની બેઠકમાં, સાર્વજનિક સ્થળોએ ચહેરા પર માસ્ક ન પહેરવા માટેનો દંડ 2,000 રૂપિયાથી ઘટાડીને 500 રૂપિયા કરવામાં આવ્યો હતો.

આદેશમાં કહેવામાં આવ્યું છે કે, "DDMA, જાહેર સ્થળોએ માસ્ક પહેરવાના કોવિડ પ્રોટોકોલનું પાલન ન કરવા માટે દંડની જોગવાઈઓના મુદ્દાને લગતા તમામ સંબંધિત તથ્યોની તપાસ કર્યા પછી તમામ જાહેર સ્થળો પર ફેસ માસ્ક નહીં પહેરવાનો નિર્ણય કર્યો છે.  આ નોટિફિકેશનની આ જોગવાઈ 28-02-2022થી અમલમાં આવશે અને ખાનગી ફોર વ્હીલર્સમાં એકસાથે મુસાફરી કરતી વ્યક્તિઓને લાગુ પડશે નહીં.

DDMAની બેઠક બાદ દિલ્હી સરકારે શુક્રવારે તમામ કોવિડ પ્રતિબંધો હટાવી લીધા છે. નાઇટ કર્ફ્યુ હટાવી લેવામાં આવ્યો છે અને રાજધાનીની તમામ શાળાઓને એપ્રિલથી નિયમિત પ્રવૃત્તિઓ ફરી શરૂ કરવા માટે કહેવામાં આવ્યું છે. જાહેર સ્થળોએ માસ્ક ન પહેરવા માટેનો દંડ પણ 2000 રૂપિયાથી ઘટાડીને 500 રૂપિયા કરવામાં આવ્યો છે.

રાજધાની દિલ્હીમાં શનિવારે 440 કેસ નોંધાયા હતા. આ સાથે દિલ્હીમાં રોગચાળાની સ્થિતિમાં સુધારો થતાં નિયંત્રણો હળવા કરવામાં આવ્યા છે. હવે પોઝિટિવિટી દર ઘટીને 0.83% પર આવી ગયો છે.

Wearing a mask is not mandatory while travelling in a car. Till now only single drivers were exempted from wearing masks while driving, but now all the people travelling in a private car have been given exemption: Delhi Government pic.twitter.com/VqIf1Y5oMj

— ANI (@ANI) February 26, 2022

આ પણ વાંચોઃ Crime News: પુત્રવધુએ પ્રેમી સાથે મળી સસરાની કરી હત્યા, કારણ જાણીને ચોંકી જશો