કોરોના વિસ્ફોટના પગલે કેરળમાં પણ લાદી દેવાયું લોકડાઉન, લગ્નમાં માત્ર 20 લોકોને હાજર રહેવાની છૂટ

આ બેઠકમાં નક્કી કરવામા આવ્યુ હતુ કે 23 જાન્યુઆરીએ રવિવારે રાજ્યમાં સંપૂર્ણ લૉકડાઉન રહેશે,

Corona_10

તિરુવનંતપુરમઃ દેશમાં સતત કોરોનાના કેસો વધી રહ્યાં છે. દક્ષિણ ભારતીય રાજ્ય કેરળમાં કોરોના કેસોમાં રાફડો ફાડ્યો છે. અહીં રેકોર્ડ કેસો નોંધાતા રાજ્ય સરકારે સંપૂર્ણ લૉકડાઉનની જાહેરાત કરી દીધી છે. આ લૉકડાઉન 23 જાન્યુઆરી એટલે કે રવિવારે આખા દિવસ માટે લાગુ રહેશે. ખાસ વાત છે કે, લૉકડાઉન દરમિયાન રાજ્ય સરકારે તાત્કાલિક સેવાઓને જ મંજૂરી આપી છે. 

રાજ્યમાં કૉવડ-19ની સ્થિતિની સમીક્ષા કરવા માટે ગુરુવારે એક ઉચ્ચસ્તરીય બેઠક મળી હતી, જેમાં ફેંસલો લેવામાં આવ્યો હતો કે, કેરળમાં વધતા કોરોનાના કેસોને અટકાવવા માટે 23 અને 30 જાન્યુઆરીએ માત્ર ઇમર્જન્સી સેવાઓને જ મંજૂરી આપવી જોઇએ. 

આ બેઠકમાં નક્કી કરવામા આવ્યુ હતુ કે 23 જાન્યુઆરીએ રવિવારે રાજ્યમાં સંપૂર્ણ લૉકડાઉન રહેશે, અને આ દરમિયાન આવશ્યક ચીજવસ્તુઓ જેવી કે દૂધ, છાપા, માછલી, માંસ, ફળ, શાકભાજી અને કરિયાણાનુ વેચાણ કરનારી દુકાનો જ સવારે સાત વાગ્યાથી રાત્રે નવ વાગ્યા સુધી ખોલવાની અનુમતિ રહેશે. ખાસ વાત છે કે આ દરમિયાન જો કોઇ લગ્ન હશે તો તેમા માત્ર 20 લોકોને જ હાજર રહેવાની છૂટ આપવામાં આવી છે. આ દરમિયાન લોકો માટે માત્ર હૉટલ અને દવાની દુકાનો પર પાર્સલ સેવા ઉપલબ્ધ રહેશે, તથા મીડિયા અને ઇન્ટરનેટ-દૂરસંચાર સેવાઓ પ્રતિબંધ હોવા છતાં ઉપલબ્ધ રહેશે.

ઉલ્લેખનીય છે કે શનિવારે કેરળમાં કૉવિડ-19ના 45,136 નવા કેસો સામે આવ્યા હતા, જેને મળીને રાજ્યમાં અત્યાર સુધી કુલ 55,74,702 લોકો સંક્રમિત થઇ ચૂક્યા છે. 

આ પણ વાંચો..................