મોદી સરકારે POK પર હુમલો કરીને ભારતમાં ભેળવી દેવાની તૈયારી કરી લીધી છે ? મોદીના ખાસ મનાતા મંત્રીએ શું કર્યું મોટું એલાન ?

કેન્દ્રીય મંત્રીએ કઠુઆ જિલ્લામાં અગાઉના જમ્મુ અને કાશ્મીર રાજ્યના સ્થાપક મહારાજા ગુલાબ સિંહની 20 ફૂટ ઊંચી પ્રતિમાનું અનાવરણ કર્યું હતું.

પીએમ મોદી (ફાઈલ ફોટો)

જમ્મુ: કેન્દ્રીય પ્રધાન જિતેન્દ્ર સિંહે રવિવારે કહ્યું કે જેમ કલમ 370 નાબૂદ કરવી લોકોની કલ્પનાની બહાર હતી, તે જ રીતે નરેન્દ્ર મોદીની આગેવાની હેઠળની ભાજપ સરકાર પાકિસ્તાન અધિકૃત કાશ્મીર (પીઓકે)ને "આઝાદ" કરવાનો પોતાનો સંકલ્પ પરિપૂર્ણ કરશે.

નેશનલ કોન્ફરન્સ પર નિશાન સાધ્યું

જિતેન્દ્ર સિંહે 1990માં ખીણમાંથી કાશ્મીરી પંડિતોની હિજરત પર આધારિત ફિલ્મ 'ધ કાશ્મીર ફાઇલ્સ'ની ટીકા કરવા બદલ નેશનલ કોન્ફરન્સ પર પ્રહારો કર્યા હતા અને દાવો કર્યો હતો કે 1987ની વિધાનસભા ચૂંટણીની "ધાંધલ-ધમાલ"ને કારણે જમ્મુ અને કાશ્મીરમાં આતંકવાદનો વિકાસ થયો હતો. .

'પાકિસ્તાનના કબજા હેઠળના કાશ્મીરને આઝાદ કરવાનો અમારો સંકલ્પ'

કેન્દ્રીય મંત્રીએ કઠુઆ જિલ્લામાં અગાઉના જમ્મુ અને કાશ્મીર રાજ્યના સ્થાપક મહારાજા ગુલાબ સિંહની 20 ફૂટ ઊંચી પ્રતિમાનું અનાવરણ કર્યા બાદ પત્રકારોને જણાવ્યું હતું કે, "સંસદે 1994માં અવાજ મત દ્વારા ઠરાવ પસાર કર્યો હતો, એ વાત પર ભાર મૂક્યો હતો કે પાકિસ્તાન જમ્મુ અને કાશ્મીરનો તેના ગેરકાયદે કબજા હેઠળનો ભાગ ખાલી કરવો પડશે. પાકિસ્તાન અધિકૃત કાશ્મીરને આઝાદ કરવાનો અમારો સંકલ્પ છે.”

લોકોએ વિચાર્યું નહીં હોય

સિંહે કહ્યું, "કલમ 370 રદ કરવામાં આવી હતી અને તે ભાજપ દ્વારા વચન મુજબ કરવામાં આવ્યું હતું જ્યારે તે ઘણાની કલ્પનાની બહાર હતું. એ જ રીતે, વર્ષ 1980માં, ભૂતપૂર્વ વડા પ્રધાન અટલ બિહારી વાજપેયીએ આગાહી કરી હતી કે ભાજપ જોરદાર જીત મેળવશે, ભલે તે લોકોની કલ્પનાની બહાર હોય.

કેન્દ્રીય મંત્રીએ કહ્યું, મોદી સરકારે સત્તા સંભાળી છે. તેમના નેતૃત્વમાં ભાજપ પાકિસ્તાનના કબજા હેઠળના જમ્મુ-કાશ્મીરની મુક્તિ સહિત તમામ વચનો પૂરા કરશે.

આ પણ વાંચોઃ