મધ્યપ્રદેશમાં કૉંગ્રેસને મોટુ નુકસાન, દિગ્વિજયસિંહ-નકુલનાથ હારી રહ્યા છે ચૂંટણી, એક્ઝિટ પોલનો દાવો 

મધ્યપ્રદેશમાં એક્ઝિટ પોલ અનુસાર ફરી એકવાર મોદી લહેર જોવા મળી શકે છે. વિધાનસભા ચૂંટણીમાં શાનદાર જીત હાંસલ કર્યા બાદ ભાજપ લોકસભા ચૂંટણીમાં પણ મોટી જીત હાંસલ કરી શકે છે.

તસવીર સોશિયલ મીડિયા

Lok Sabha Election Exit Poll 2024: મધ્યપ્રદેશમાં એક્ઝિટ પોલ અનુસાર ફરી એકવાર મોદી લહેર જોવા મળી શકે છે. વિધાનસભા ચૂંટણીમાં શાનદાર જીત હાંસલ કર્યા બાદ ભાજપ લોકસભા ચૂંટણીમાં પણ મોટી જીત હાંસલ કરી શકે છે.

ટીવી 9ના એક્ઝિટ પોલ અનુસાર મધ્યપ્રદેશમાં ભાજપ ક્લીન સ્વીપ કરી શકે છે. અહીં ભાજપ તમામ સીટો જીતી શકે છે. મધ્ય પ્રદેશમાં લોકસભાની કુલ 29 બેઠકો છે અને આ તમામ બેઠકો ભાજપ જીતી શકે છે. કોંગ્રેસ માટે આને મોટો ફટકો માનવામાં આવી રહ્યો છે. જો આપણે વોટ ટકાવારીની વાત કરીએ તો, મધ્ય પ્રદેશમાં એનડીએને 67 ટકા અને ઈન્ડિયા એલાયન્સને 25 ટકા વોટ મળવાની ધારણા છે.

કોંગ્રેસના દિગ્ગજ નેતાઓ છિંદવાડા અને રાજગઢ બેઠક પરથી મેદાનમાં છે

કોંગ્રેસે મધ્યપ્રદેશની છિંદવાડા અને રાજગઢ લોકસભા સીટોને લઈને ઘણી સાવધાની રાખી છે. પૂર્વ મુખ્યમંત્રી કમલનાથના પુત્ર નકુલ નાથ બીજી વખત છિંદવાડાથી ચૂંટણી લડી રહ્યા છે. એ જ રીતે પૂર્વ મુખ્યમંત્રી દિગ્વિજય સિંહ 33 વર્ષ બાદ રાજગઢ બેઠક પરથી ચૂંટણી લડ્યા છે. તેમનો મુકાબલો બે વખત ભાજપના સાંસદ રોડમલ નાગર સામે છે. ટીવી 9ના એક્ઝિટ પોલ અનુસાર કોંગ્રેસને આ વખતે પણ અહીં હારનો સામનો કરવો પડી શકે છે.

છિંદવાડા કોંગ્રેસનો ગઢ રહ્યો છે

આ વખતે લોકસભા ચૂંટણીમાં છિંદવાડાને એમપીની સૌથી હોટ સીટ માનવામાં આવી રહી છે કારણ કે ચૂંટણી ઈતિહાસમાં કોંગ્રેસ અહીં માત્ર એકવાર (1998) ચૂંટણી હારી હતી. આ બેઠક પર વર્ષોથી કોંગ્રેસનો દબદબો છે.

મોદી લહેરમાં પણ કોંગ્રેસે પોતાની સીટ બચાવી હતી

2019ની લોકસભા ચૂંટણીમાં મોદી લહેર બાદ પણ કોંગ્રેસે છિંદવાડા બેઠક પર જીત મેળવી હતી. ત્યારે કમલનાથના પુત્ર નકુલનાથ આ સીટ પરથી જીત્યા હતા. આ પહેલા તેઓ છેલ્લે 2014માં લોકસભા ચૂંટણી જીત્યા હતા. આ વખતે પણ નકુલ નાથ આ સીટ પર ઉમેદવાર છે.  

લોકસભા ચૂંટણી 2024 માટે મતદાનના તમામ તબક્કાઓ શનિવાર (1 જૂન, 2024)ના રોજ પૂર્ણ થયા હતા. આ પછી એક્ઝિટ પોલના પરિણામો પણ આવ્યા. એક્ઝિટ પોલના પરિણામો અનુસાર ભારતીય જનતા પાર્ટી (BJP) ફરી એકવાર બમ્પર સીટો સાથે સરકાર બનાવતી દેખાઈ રહી છે. આંકડાઓ અનુસાર આ વખતે એનડીએ ગઠબંધન અગાઉના આંકડાને પણ પાર કરશે. NDA દેશભરમાં 543માંથી 353-383 સીટો કબજે કરી શકે છે. વિપક્ષી ઈન્ડિયા ગઠબંધનને   152-182 બેઠકો મળવાની આશા છે.