ટ્રેનમાં આ રીતે મળશે શુદ્ધ-સ્વાદિષ્ટ જમવાનું, IRCTCએ શરૂ કરી નવી સર્વિસ
IRCTC એ મેલ અને એક્સપ્રેસ ટ્રેનોમાં મુસાફરી કરતા મુસાફરો માટે એક ઉત્તમ અને સુવિધાજનક સેવા શરૂ કરી છે
IRCTC એ મેલ અને એક્સપ્રેસ ટ્રેનોમાં મુસાફરી કરતા મુસાફરો માટે એક ઉત્તમ અને સુવિધાજનક સેવા શરૂ કરી છે. આ ઈ-પેન્ટ્રી સેવા હવે મુસાફરોને ટ્રેનની સીટ પર જ સ્વચ્છ, નિશ્ચિત કિંમત અને સમયસર ભોજન પૂરું પાડશે. અગાઉ પ્રીમિયમ ટ્રેનોમાં જ ભોજન માટે ઓનલાઈન બુકિંગની સુવિધા ઉપલબ્ધ હતી. હવે આ સુવિધા મેલ અને એક્સપ્રેસ ટ્રેનોમાં પણ શરૂ કરવામાં આવી છે. આ ખાસ કરીને તે મુસાફરો માટે ફાયદાકારક છે જેઓ મુસાફરી દરમિયાન વધુ પડતા ચાર્જિંસ, અનધિકૃત વિક્રેતાઓ અને નબળી ગુણવત્તાવાળા ખોરાકની ફરિયાદ કરતા હતા.
ઈ-પેન્ટ્રી એ IRCTC દ્વારા શરૂ કરાયેલ ડિજિટલ મીલ બુકિંગ સુવિધા છે, જે મેલ/એક્સપ્રેસ ટ્રેનોમાં મુસાફરોને તેમની સીટ પર ભોજન ઉપલબ્ધ કરાવશે. Confirmed, RAC અથવા Partially Confirmed ટિકિટ ધરાવતા મુસાફરો આ સેવાનો લાભ લઈ શકે છે. આ સેવા તે ટ્રેનોમાં લાગુ પડશે જેમાં પેન્ટ્રી કાર ઉપલબ્ધ છે.
સેવાનો ઉપયોગ કેવી રીતે કરવો?
ટિકિટ બુક કરતી વખતે અથવા બાદમાં બુક કરેલ ટિકિટ હિસ્ટ્રી સેક્શનમાં જઇને ઈ-પેન્ટ્રી વિકલ્પ પસંદ કરો. બુકિંગ કર્યા પછી તમને SMS અથવા ઇમેઇલ દ્વારા Meal Verification Code (MVC) મળશે. મુસાફરીના દિવસે MVC કોડ બતાવો અને તમારી સીટ પર ભોજન પ્રાપ્ત કરો.
ઈ-પેન્ટ્રી સેવાની મુખ્ય વિશેષતાઓ
ઓનલાઇન જમવાનું બુક થશે. તમે વેબસાઇટ દ્વારા Standard Meal અથવા Rail Neerનું પ્રી-બુકિંગ કરી શકો છો. ચુકવણી ડિજિટલ માધ્યમથી કરવામાં આવશે, કોઈ રોકડની જરૂર નથી. ખોરાક નિશ્ચિત કિંમતે ઉપલબ્ધ થશે, કોઈ વધુ ચાર્જિંસ નહીં હોય. ફક્ત IRCTC લાયસન્સ પ્રાપ્ત વિક્રેતાઓ જ ભોજન પહોંચાડશે. MVC કોડ યોગ્ય ઓળખ સુનિશ્ચિત કરે છે અને ભોજન યોગ્ય મુસાફર સુધી પહોંચાડવામાં આવે છે. દરેક ઓર્ડર અને ટેક્સ પાલનનું ડિજિટલ મોનિટરિંગ. જો ફૂડ પહોંચાડવામાં ન આવે તો રિફંડ આપવામાં આવશે અને તેના વિશે SMS/ઈમેલ/વોટ્સએપ પર માહિતી આપવામાં આવશે.
પાયલોટ લોન્ચ અને ભવિષ્યની યોજનાઓ
આ સેવા ભારતની સૌથી લાંબી અંતરની ટ્રેન વિવેક એક્સપ્રેસ (22503/04) સાથે શરૂ કરવામાં આવી છે. આગામી 60 દિવસમાં તે 25 વધુ ટ્રેનો (100 રેક) માં લાગુ કરવામાં આવશે. સફળતા પછી તે દેશભરની અન્ય મેઇલ/એક્સપ્રેસ ટ્રેનોમાં પણ શરૂ કરવામાં આવશે.
ટોપ સ્ટોરી
ટ્રેન્ડિંગ સમાચાર
