'સાથે મળીને કામ કરવા ઉત્સુક છું ', PM મોદીએ ટ્રમ્પને અમેરિકન રાષ્ટ્રપતિ બનવા પર આપ્યા અભિનંદન
Donald Trump Oath taking Ceremony: વડાપ્રધાન નરેન્દ્ર મોદીએ સોશિયલ મીડિયા પર પોસ્ટ કરીને તેમને અભિનંદન પાઠવ્યા હતા
Donald Trump Oath taking Ceremony: ડોનાલ્ડ ટ્રમ્પે 20 જાન્યુઆરી, 2025ના રોજ અમેરિકાના 47મા રાષ્ટ્રપતિ તરીકે શપથ લીધા હતા. અમેરિકાના 47મા રાષ્ટ્રપતિ તરીકે ફરીથી શપથ લીધા બાદ વડાપ્રધાન નરેન્દ્ર મોદીએ સોશિયલ મીડિયા પર પોસ્ટ કરીને તેમને અભિનંદન પાઠવ્યા હતા. વડાપ્રધાન મોદીએ પોસ્ટમાં લખ્યું હતું કે મારા પ્રિય મિત્ર રાષ્ટ્રપતિ ડોનાલ્ડ ટ્રમ્પને યુનાઇટેડ સ્ટેટ્સ ઑફ અમેરિકાના 47મા રાષ્ટ્રપતિ તરીકે શપથ લેવા બદલ ખૂબ ખૂબ અભિનંદન. પીએમ મોદીએ વધુમાં કહ્યું કે તેઓ ફરી એકવાર તેમની સાથે કામ કરવા અને બંને દેશોને લાભ આપવા માટે આતુર છે.
Congratulations my dear friend President @realDonaldTrump on your historic inauguration as the 47th President of the United States! I look forward to working closely together once again, to benefit both our countries, and to shape a better future for the world. Best wishes for a…
— Narendra Modi (@narendramodi) January 20, 2025
પીએમ મોદીએ ‘એક્સ’ પર લખ્યું હતું કે “મારા પ્રિય મિત્ર રાષ્ટ્રપતિ ડોનાલ્ડ ટ્રમ્પને યુનાઇટેડ સ્ટેટ્સ ઑફ અમેરિકાના 47મા રાષ્ટ્રપતિ તરીકે શપથ લેવા બદલ અભિનંદન! હું ફરી એકવાર સાથે મળીને કામ કરવા આતુર છું, જેથી બંને દેશોને ફાયદો થાય અને વિશ્વ માટે વધુ સારું ભવિષ્ય બને. આગામી સફળ કાર્યકાળ માટે શુભકામનાઓ!”
એસ જયશંકર પીએમ મોદીના દૂત તરીકે પહોંચ્યા
ભારતના વિદેશ પ્રધાન એસ જયશંકર પણ વડાપ્રધાન નરેન્દ્ર મોદીના ખાસ દૂત તરીકે ડોનાલ્ડ ટ્રમ્પના શપથ ગ્રહણ સમારોહમાં તેમનું પ્રતિનિધિત્વ કરશે. પ્રધાનમંત્રીએ ડોનાલ્ડ ટ્રમ્પને એક પત્ર લખ્યો છે.
મુકેશ અંબાણી અને નીતા અંબાણી પણ સમારોહમાં હાજર રહ્યા હતા
ડોનાલ્ડ ટ્રમ્પના શપથ ગ્રહણ સમારોહમાં ભારતીય ઉદ્યોગપતિ મુકેશ અંબાણી અને તેમની પત્ની નીતા અંબાણી પણ પહોંચ્યા છે, જેમને પ્રમુખ સ્થાન આપવામાં આવશે. ભારતીય વ્યાપારી સમુદાયમાંથી પુણે સ્થિત રિયલ એસ્ટેટ કંપની કુંદન સ્પેસિસના મેનેજિંગ ડિરેક્ટર આશિષ જૈન પણ સમારોહમાં હાજરી આપી હતી. આ સાથે ગુગલના સીઈઓ સુંદર પિચાઈ પણ સામેલ થયા હતા.
શપથ લીધા બાદ ડોનાલ્ડ ટ્રમ્પે કહ્યું કે હું દક્ષિણ સરહદ પર ઈમરજન્સી જાહેર કરું છું. મારું જીવન અમેરિકાને મહાન બનાવવા માટે ખર્ચવામાં આવ્યું હતું. અન્ય દેશો પર ટેક્સ અને ટેરિફ વધારીશું. તેમણે કહ્યું કે આજે અમેરિકાનો સ્વતંત્રતા દિવસ છે. બિડેન સિસ્ટમ આપત્તિ સામે લડવામાં નિષ્ફળ રહી છે. ભ્રષ્ટ તંત્રએ મને અત્યાર સુધી પરેશાન કર્યો હતો. મારી નીતિ અમેરિકા ફર્સ્ટ રહેશે. પરિવર્તન આજથી જ શરૂ થશે. અમેરિકામાં કોઈ ઘૂસણખોરી કરી શકશે નહીં. અમે અમારી સાર્વભૌમત્વ જાળવીશું. દુનિયામાં આપણો ઉપયોગ કરી શકશે નહીં. ટ્રમ્પે કહ્યું કે દુનિયામાં ફરીથી અમેરિકાનું સન્માન થશે. હવેથી અમેરિકાનો સુવર્ણ યુગ શરૂ થયો છે. વડા પ્રધાન નરેન્દ્ર મોદીએ ડોનાલ્ડ ટ્રમ્પને રાષ્ટ્રપતિ બનવા બદલ અભિનંદન પાઠવ્યા હતા. મોદીએ કહ્યું કે અમે સાથે મળીને કામ કરવા તૈયાર છીએ.
ટોપ સ્ટોરી
ટ્રેન્ડિંગ સમાચાર
