Mehsana : કોલેજિયન યુવતીને કેફી પીણું પીવડાવી બંધ મકાનમાં માણ્યું શરીરસુખ ને પછી.....

નંદાસણ પુલ નીચે ઉભેલ યુવતીને કારમાં આવેલ ચાર યુવાન અપહરણ કરીને લઈ ગયા હતા. એટલું જ નહીં, યુવતીને કેફી પીણું પીવડાવી તેની સાથે પરાણે શારીરિક સંબંધ બાંધ્યા હતા. 

પ્રતિકાત્મક તસવીર.

મહેસાણાઃ ઘરેથી કોલેજ જવા નીકળેલ યુવતીનું અપહરણ કરીને કેફી પીણું પીવડાવી પરાણે શારીરિક સંબંધ બાંધ્યા હોવાની ઘટના સામે આવતાં ખળભળાટ મચી ગયો છે. નંદાસણ પુલ નીચે ઉભેલ યુવતીને કારમાં આવેલ ચાર યુવાન અપહરણ કરીને લઈ ગયા હતા. એટલું જ નહીં, યુવતીને કેફી પીણું પીવડાવી તેની સાથે પરાણે શારીરિક સંબંધ બાંધ્યા હતા. 

પાલાવાસણા નજીક બંધ મકાનમાં યુવતી સાથે દુષ્કર્મ કરી  તેને રોડ પર મૂકી યુવાનો ફરાર થઈ ગયા હતા. 108 દ્વારા સિવિલ હોસ્પિટલમાં પહોંચ્યા બાદ યુવતીએ સમગ્ર ઘટનાક્રમ પોલીસને જણાવ્યો હતો. સમગ્ર મામલે પોલીસે ચાર યુવકો સામે ગુનો નોંધી તપાસ શરૂ કરી છે.  યુવતી ઘરે કડીમાં કોલેજ ખાતે જવાનું કહીને મંગળવારે સવારે 10-30 વાગ્યે નીકળી હતી. 

બલોલ રોડ પરના નંદાસણના બ્રિજ નીચે ઉભી હતી તે દરમિયાન 4 યુવકો સફેદ કલરની કાર લઈને આવ્યા હતા. કારમાં યુવતીને બેસાડ્યા બાદ કેફી પીણું પીવડાવતા તેણી બેભાન થઈ હતી. આ પછી યુવકો બંધ મકાનમાં લઈ જઈ યુવતી ઉપર 4 પૈકી એક યુવકે બળાત્કાર કર્યો હતો. ત્યારબાદ યુવતીને મહેસાણાના બાયપાસ રોડ ઉપર કરશનપુરાના પાટીયા નજીક ઉતારીને ભાગી ગયા હતા. પોલીસે યુવતીના નિવેદનના આધારે બળાત્કારી યુવક અને 3 અજાણ્યા યુવકો સામે ગુનો નોંધ્યો છે. મહેસાણા સિવિલમાં યુવતીનું મેડીકલ કરાવીને દુષ્કર્મના સ્થળની ઓળખ માટે કાર્યવાહી શરૂ કરી છે.

Panchmahal : શિક્ષિત દંપતી સંતાન પ્રાપ્તિ માટે ભુવા પાસે ગયું, યુવતીને ખેતરમાં લઈ જઈ ભુવો કરવા લાગ્યો છેડતી ને પછી તો.....

 

પંચમહાલઃ સંતાન પ્રાપ્તિની વિધિના નામે પરણીતા સાથે ભુવાએ શારીરિક અડપલાં કર્યા હોવાની ઘટના સામે આવતાં ખળભળાટ મચી ગયો છે.  ઘોઘંબા તાલુકાના એક ગામનો આ બનાવ છે.  શિક્ષિત દંપતીને લગ્ન થયાના વર્ષોના લાંબા સમય બાદ પણ સંતાન પ્રાપ્તિ ન થતાં તેઓએ આધુનિક મેડિકલ સુવિધા ના બદલે સંતાનની પ્રાપ્તિ માટે ભુવાનો સંપર્ક કર્યો હતો.  ભુવાએ વિધિના બહાને પરણીતાને ખેતરમાં એકલા લઇ જઈ શારીરિક અડપલાં કરવા લાગ્યો હતો. 

આ જ સમયે પતિ અને સસરા આવી જતા ભુવાનો ભાંડો ફૂટી ગયો હતો. પરિજન દ્વારા ઢોંગી ભુવા વિરુદ્ધ ફરિયાદ નોંધાવામાં આવી છે.  રાજગઢ પોલીસે ભુવા શનાભાઈ લલ્લુભાઈ રાઠવાની ધરપકડ કરી કાર્યવાહી હાથ ધરી છે. 

 

Ahmedabad : પત્નીના અન્ય યુવક સાથે શરીરસંબંધોની પતિને પડી ગઈ ખબર ને મળવાનું થઈ ગયું બંધ, પછી તો......

 

અમદાવાદઃ શહેરના રામોલ વિસ્તારમાં અનૈતિક સંબંધમાં વધુ એક હત્યાની ઘટના સામે આવી છે. ખૂદ પત્નીએ જ પ્રેમી સાથે મળી પતિની હત્યા કરી હોવાનો ઘટસ્ફોટ થયો છે. રાત્રે દૂધમાં ઘેનની ગોળીઓ આપી પછી મોં પર માસ્ક પહેરાવી સેલોટેપ બાંધી અને ઓસિકાથી ગૂંગળાવી હત્યા કર્યાની કબૂલાત કરી છે. પત્નીએ પ્રેમી સાથે મળીને 19 ઓગષ્ટની રાત્રે હત્યા કરી હતી. મહિલાના પિતરાઈ ભાઈને શંકા જતા ક્રાઈમ બ્રાન્ચમાં અરજી કરાઈ હતી. અરજી બાદ તપાસમાં ખુલાસો થયો છે. 

 

આ અંગે અમદાવાદ ક્રાઇમ બ્રાન્ચના પીઆઈ એ.વાય. બલોચે જણાવ્યું હતું કે, આરોપી દિપ્તી પટેલ અને પ્રેમી સૌરભ સુથાર એક જ સોસાયટીમાં પાડોશમાં રહે છે. બંને વચ્ચે 2018થી પ્રેમસંબંધ હતા. પાંચ મહિના પહેલા દિપ્તીના પતિને તેમના પ્રેમસંબંધની ખબર પડી ગઈ હતી. જેને કારણે બંને મળી શકતા નહોતા. આથી આ હત્યાનો પ્લાન ઘડી કાઢ્યો હતો. બંનેએ 17 વર્ષ પહેલા લગ્ન કર્યા હતા. આ લગ્નજીવનથી બંનેને સંતામાં એક દીકરો અને દીકરી છે. 

 

બલોચે જણાવ્યું હતું કે, ગત 19-8-2021ના રોજ દૂધની અંદર ઉંઘની ગોળીઓ ભેળવીને પતિને પીવડાવી દીધી હતી. આ પછી રાત્રે દોઢ વાગ્યે પ્રેમી સૌરભ સુથારને ઘરે બોલાવી પતિને મોઢે માસ્ક બાંધી પછી સેલેટેપ વીંટળી તેમજ તકીયાથી ગુંગળાવીને મારી નાંખ્યો હતો. આ પછી સવારે 108માં હાર્ટએટેક આવ્યો હોવાનું જણાવી એસવીપી હોસ્પિટલ લઈ ગયા હતા. જ્યાં કુદરતી મૃત્યુની જાહેરાત કરી મરનારની અંતિમ ક્રિયા કરવામાં આવી હતી. 

 

બલોચે જણાવ્યું હતું કે, પતિને પ્રેમપ્રકરણની જાણ થતાં તેમણે પ્રેમી સૌરભ સુથારને ધમકાવ્યો હતો. એટલું જ નહીં, પતિ-પત્ની વચ્ચે પણ ઝઘડો થયો હતો. આ પછી તો બંનેને મળવાનું બંધ થઈ ગયો હતો. આમ પતિ આડખીલી રૂપ બનતાં પત્નીએ પ્રેમી સાથે મળીને પત્નીની હત્યાનું કાવતરું ઘડી કાઢ્યું હતું. 

 

તેમણે ઉંઘની ગોળીઓ ખવડાવી મારી નાંખીને કુદરતી મોત થયું હોવાની ખપાવી દેશે, તેવું વિચાર્યું હતું. આમ કરવાથી તેઓ પકડાશે નહીં અને સુખીથી જીવશે, તેમ વિચાર્યું હતું. જોકે, ક્રાઇમ બ્રાન્ચની તપાસમાં બંને પ્રેમપ્રકરણમાં હત્યા કરી હોવાનો ખુલાસો થતાં ધરપકડ કરી લીધી છે.