Suicide: મહેસાણામાં યુવક-યુવતીની લાશ ઝાડ પર લટકતી હાલતમાં મળી આવતા ચકચાર

Suicide: મહેસાણામાં ફરી એકવાર યુવક-યુવતીની ઝાડ સાથે લટકતી લાશ મળી આવી છે. વિસનગર તાલુકાના ઉમતા નજીક યુવક-યુવતીની ઝાડ પર લટકી લાશ મળી આવતા ચકચાર મચી ગઈ છે.

પ્રતિકાત્મક તસવીર

Suicide: મહેસાણામાં ફરી એકવાર યુવક-યુવતીની ઝાડ સાથે લટકતી લાશ મળી આવી છે. વિસનગર તાલુકાના ઉમતા નજીક યુવક-યુવતીની ઝાડ પર લટકી લાશ મળી આવતા ચકચાર મચી ગઈ છે.  પ્રથમ નજરે ઝાડ સાથે લટકતા યુવક-યુવતીએ આપઘાત કર્યો હોવાનું અનુમાન છે. વડનગર ઉમતા રોડ ઉપર ખેતરમાં બન્નેએ ઝાડ ઉપર ગળે ફાંસો ખાઈ લીધો હતો. જો કે આ યુવક અને યુવતી કોણ તેની ઓળખ થઈ શકી નથી. હાલમાં પોલીસે ઘટના સ્થળે પહોંચી તપાસ શરી કરી છે.

અમેરિકામાં વધુ એક ગુજરાતીની હત્યા
વધુ એક ગુજરાતીની વિદેશમાં હત્યા કરવામાં આવી છે. સુરતના સચિન ખાતે આવેલ લાજપોર ગામના રહેવાસી 69 વર્ષીય જગદીશ પટેલની અમેરિકામાં હત્યા કરવામાં આવી છે. જગદીશ પટેલ અમેરિકાના સાઉથ કેરોલીન રહેતા હતા અને તેઓ ત્યાં મોટેલના બિઝનેસ સાથે સંકળાયેલ હતાં. ગત રોજ એક શખ્સે જગદીશભાઈની ઓફીસમાં ઘુસીને ફાયરિંગ કર્યું હતું. બે રાઉન્ડ ફાયરિંગ કરી હત્યારો ભાગી છૂટ્યો હતો. આ અંગે સામે આવેલી વિગતો અનુસાર હત્યારો મોટેલમાં રહેતો હતો અને ભાડાં મુદ્દે માથાકૂટ થતાં હત્યા કરી હોવાનું તારણ છે. જો કે આ પહેલીવાર નથી જ્યારે અમેરિકામાં કોઈ ગુજરાતીની હત્યા કરવામાં આવી હોય. આ પહેલા પણ અનેક ગુજરાતીઓને નિશાન બનાવવામાં આવ્યા છે.

અમદાવાદમાં પુત્રની હત્યા કરનાર યુવકને પરિવારે જાહેરમાં રહેંસી નાખ્યો
અમદાવાદમાં ‘ખુન કા બદલા ખુન’ જે ઘટના સામે આવી છે. શહેરના અમરાઈવાડીમાં એક પરિવારે પુત્રની હત્યાનો બદલો લેવા યુવકની જાહેરમાં હત્યા કરી છે. આ અંગે સામે આવેલી વિગતો અનુસાર મૃતક નવલેશનો ગેસના બાટલાને લઇ ગત ડિસેમ્બરમાં નટુભાઈ અને તેના પરીવાર સાથે ઝઘડો થયો હતો. આ બબાલમાં નવલેશના પિતરાઈ ગિરિરાજે કિરણ નામના યુવકની હત્યા કરી નાખી હતી. હવે આ અદાવતમાં કિરણના પરિવારે નવલેશની જાહેરમાં ચપ્પુના ઘા મારી હત્યા કરી દીધી છે. આ હત્યામાં કિરણના માતા-પિતા, ભાઈ અને મિત્ર સંડોવાયેલા હોવાનું ખુલાસો થયો છે. હાલમાં અમરાઈવાડી પોલીસે ચારેય આરોપીઓની ધરપકડ કરી વધુ તપાસ હાથ ધરી છે. હત્યાને પગલે સમગ્ર વિસ્તારમાં ચકચાર મચી ગઈ છે.