Rajkot Rain: રાજકોટના ઉપલેટામાં ધોધમાર વરસાદ,  વેણુ-2ના દરવાજા ખોલાયા 

 હવામાન વિભાગની આગાહી વચ્ચે રાજ્યોમાં ફરી વરસાદી માહોલ જામ્યો છે.  રાજકોટ જિલ્લાના ઉપલેટા પંથકમાં સતત પાંચ દિવસથી ધોધમાર વરસાદ વરસી રહ્યો છે.

ઉપલેટામાં ધોધમાર વરસાદ

Source : તસવીર- ABP અસ્મિતા

રાજકોટ :  હવામાન વિભાગની આગાહી વચ્ચે રાજ્યોમાં ફરી વરસાદી માહોલ જામ્યો છે.  રાજકોટ જિલ્લાના ઉપલેટા પંથકમાં સતત પાંચ દિવસથી ધોધમાર વરસાદ વરસી રહ્યો છે.  આજે પણ વહેલી સવારથી જ ઉપલેટા શહેર અને ગ્રામ્ય વિસ્તારોમાં ધોધમાર વરસાદ વરસ્યો છે. ભારે વરસાદને પગલે રસ્તાઓ પર પાણી ફરી વળ્યા છે.  

વેણું ડેમ 2 નાં બે દરવાજા ખોલાયા

ઉપલેટાનાં ગઘેઠડ ગાયત્રી આશ્રમ નજીક આવેલ વેણું ડેમ 2 નાં બે દરવાજા એક-એક ફૂટ ખોલવામાં આવ્યા હતા. વેણું ડેમ 2 માં ઉપરવાસમાં થયેલા ભારે વરસાદને પગલે નવા નીરની આવક થઈ છે.  વેણું ડેમ 2 માં વરસાદ પડતાં જ વેણું ડેમ 2  ફરી 100 ટકા ભરાયો છે.  ઉપલેટાનાં વેણું ડેમ 2 નાં બે દરવાજા એક-એક ફૂટ ખોલવામાં આવ્યા હતા અને 1502 ક્યુસેક પાણીની આવક અને એટલી જ પાણીની જાવક થઈ હતી.  વેણું ડેમ 2 નાં દરવાજા ખોલવામાં આવતાં  ડેમના પટમાં અવરજવર ન કરવાં માટે સુચના આપવામાં આવી હતી. 

જૂનાગઢ શહેર અને ગ્રામ્ય વિસ્તારોમાં વરસાદ

જૂનાગઢ શહેરમાં પણ વરસાદ વરસી રહ્યો છે. ભારે વરસાદને લઈ રસ્તોઓ પર પાણી ફરી વળ્યા છે. જૂનાગઢના વંથલીમાં પણ સૌથી વધારે 3 ઈંચ વરસાદ વરસ્યો છે. ગ્રામ્ય પંથકમાં પણ વરસાદી માહોલ જામ્યો છે.

રાજ્યમાં આજે 58 તાલુકાઓમાં વરસાદ

રાજ્યમાં વરસાદી માહોલ જામ્યો છે. આજે વહેલી સવારથી જ અનેક જિલ્લાઓમાં વરસાદ વરસી રહ્યો છે. હવામાન વિભાગે આજે સૌરાષ્ટ્રમાં ભારે વરસાદની આગાહી કરી છે. હવામાન વિભાગની આગાહી વચ્ચે જૂનાગઢ જિલ્લામાં સાર્વત્રિક વરસાદ વરસ્યો છે. આજે સૌથી વધુ જૂનાગઢના વંથલીમાં 3 ઈંચ વરસાદ નોંધાયો છે. રાજ્યમાં આજે 58 તાલુકાઓમાં વરસાદ વરસ્યો છે. 

આજે જૂનાગઢના મેંદરડામાં 2.17 ઈંચ વરસાદ વરસ્યો છે.  જૂનાગઢ શહેર અને તાલુકામાં પણ વરસાદી માહોલ જોવા મળ્યો છે. અહીં   2 ઈંચ જેટલો વરસાદ ખાબક્યો છે. આજે વિસાવદર- માળિયાહાટીનામાં 1.38 ઈંચ વરસાદ નોંધાયો છે. 

ભાવનગરના મહુવામાં 1.26 ઈંચ વરસાદ વરસ્યો છે.  આજે જૂનાગઢના કેશોદમાં 1 ઈંચ વરસાદ વરસ્યો છે.  આજે ચુડા, માણાવદરમાં પોણો ઈંચ વરસાદ વરસ્યો છે.  ધોરાજી, ઘોઘા, ઉપલેટામાં પણ પોણો ઈંચ વરસાદ વરસ્યો હતો.

ચોમાસુ 'સોળ આની': સિઝનનો 115 ટકા વરસાદ

ચાલુ વર્ષે ચોમાસાની વિદાયની ઘડીઓ વચ્ચે પણ વરસાદે રાજ્યમાં સારી એવી હાજરી આપી છે. રાજ્યમાં અત્યાર સુધીમાં સિઝનનો સરેરાશ 115 ટકા વરસાદ વરસ્યો છે, જે સરેરાશ 882 મીમીની સામે 1022 મીમી સુધી પહોંચ્યો છે.