Rajkot: દિવાળી અગાઉ સૌરાષ્ટ્રવાસીઓને છ નવી ટ્રેન મળી, અમદાવાદ સુધી દોડતી ટ્રેનને રાજકોટ સુધી લંબાવાઇ

Rajkot: રાજકોટ સહિત સૌરાષ્ટ્રના મુસાફરોને દિવાળી પહેલા નવી છ ટ્રેનની ભેટ મળી હતી

પ્રતિકાત્મક તસવીર

Source : Freepik

Rajkot: રાજકોટ સહિત સૌરાષ્ટ્રના મુસાફરોને દિવાળી પહેલા નવી છ ટ્રેનની ભેટ મળી હતી. અત્યાર સુધી આ તમામ ટ્રેન અમદાવાદથી દોડતી હતી પરંતુ હવે રાજકોટ સુધી ડબલ ટ્રેક અને ઈલેક્ટ્રિફિકેશનની કામગીરી પૂર્ણ થઈ જતા આ ટ્રેનોને રાજકોટ સુધી લંબાવવામાં આવી છે.

સૌરાષ્ટ્રના લોકોને સુવિધા રહે એ હેતુથી નીચે મુજબની ટ્રેનો ને રાજકોટ સુધી લંબાવવામાં આવી છે.

1. ટ્રેન નં. 19421/22
અમદાવાદ - પટના એક્સપ્રેસ

2. ટ્રેન નં. 22967/68
અમદાવાદ - પ્રયાગરાજ એક્સપ્રેસ

3. ટ્રેન નં. 19413/14
અમદાવાદ - કોલકાતા એક્સપ્રેસ

4. ટ્રેન નં. 11049/50
અમદાવાદ -… pic.twitter.com/sohv1Ip4qs

— Darshana Jardosh (@DarshanaJardosh) September 12, 2023

આ અંગે કેન્દ્રીય રેલવે રાજ્ય મંત્રી દર્શનાબેન જરદોશે ટ્વીટ કરીને માહિતી આપી હતી. અમદાવાદ પ્રયાગરાજ સહિત જુદી જુદી છ ટ્રેન હવે રાજકોટ સુધી લંબાવવામાં આવી છે. રાજકોટ આવતી-જતી 18 ટ્રેનને ઈલેક્ટ્રિક બુસ્ટર મળ્યું છે.

જે છ ટ્રેનને રાજકોટ સુધી લંબાવામાં આવી છે તેમાં અમદાવાદ-પટના એક્સપ્રેસ ટ્રેન, અમદાવાદ-પ્રયાગરાજ એક્સપ્રેસ ટ્રેન, અમદાવાદ-કોલકત્તા એક્સપ્રેસ ટ્રેન, અમદાવાદ-કોલ્હાપુર એક્સપ્રેસ, નાગપુર-અમદાવાદ એક્સપ્રેસ ટ્રેનનો સમાવેશ થાય છે.

તે સિવાય ભારતીય રેલવેએ હવે લાઈન ઓફ કંટ્રોલ સુધી લોકો ટ્રેન મારફતે પહોંચી શકે તે માટે મોટો નિર્ણય લીધો છે. બારામુલ્લા, શ્રીનગર અને શ્રીનગર- જમ્મુ નેશનલ હાઈવેના રેલ નેટવર્ક પર બનિહાલ સુધી સ્થાનિક લોકોની મુસાફરી સરળ બનશે.  આ સિવાય સરહદી વિસ્તારોમાં જમીની સ્થિતિમાં સુધારો થયા બાદ પ્રવાસીઓ માટે ખોલવામાં આવેલા સરહદી વિસ્તારોમાં રેલ નેટવર્કના આગમનથી વેપાર વધારવામાં મદદ મળશે.

ઉત્તર રેલવેએ જમ્મૂ- કશ્મીરના સરહદી વિસ્તારોમાં રેલ જોડાણ વધારવાની તૈયારીઓ શરૂ કરી દીધી છે. ઉત્તર રેલવેએ રાજ્યમાં રેલ નેટવર્કનો વ્યાપ વધારવાનો નિર્ણય કર્યો છે. જેના કારણે LOC સુધી સરળતાથી જઈ શકાશે. હાલમાં ઉત્તર કાશ્મીરના બનિહાલથી બારામુલા સુધી 135.5 કિલોમીટરની વચ્ચે ટ્રેન સેવા ચાલી રહી છે. ઉરી સુધી ટ્રેનની લિન્કના વિસ્તરણથી રોજગારીની તકો ઊભી થશે અને સ્થાનિક લોકોને ફાયદો થશે. આ રેલ નેટવર્કના વિકાસથી વેપારીઓ અને પ્રવાસીઓને સૌથી વધુ ફાયદો થશે. વેપારીઓનો માલ દિલ્હી પહોંચતા 10 દિવસ લાગે છે. પરંતુ ટ્રેન આવવાથી તે 36 થી 48 કલાકમાં દિલ્હી પહોંચી જશે. વેપારીઓ અને ખાસ કરીને ફળ ઉત્પાદકો માટે તે ખૂબ જ ફાયદાકારક સાબિત થશે.

આ વર્ષે માર્ચ મહિનામાં કેન્દ્રીય રેલવે મંત્રી અશ્વિની વૈષ્ણવે જમ્મુ-કાશ્મીરની મુલાકાત દરમિયાન જાહેરાત કરી હતી કે કાશ્મીરમાં રેલ નેટવર્કને ચીનની સરહદ સુધી વિસ્તારવામાં આવશે. ઉરીના સરહદી વિસ્તાર સુધી રેલ લિંકના વિસ્તરણથી સ્થાનિક લોકોની કનેક્ટિવિટી સેવામાં સુધારો થશે.