Surat: સુરતમાં રફતારનો કહેર, દારુના નશામાં કાર ચાલકે બાઈકને ટક્કર મારતા બે લોકો ઈજાગ્રસ્ત, એકની હાલત ગંભીર
સુરતના ડિંડોલી વિસ્તારમાં દારૂના નશામાં ધૂત કારના ચાલકે પૂરપાટ ઝડપે કાર હંકારી બાઈકને અડફેટે લેતા બેને ઈજા પહોંચાડી છે જે પૈકી એકની હાલત ગંભીર છે.
સુરત: સુરતના ડિંડોલી વિસ્તારમાં દારૂના નશામાં ધૂત કારના ચાલકે પૂરપાટ ઝડપે કાર હંકારી બાઈકને અડફેટે લેતા બેને ઈજા પહોંચાડી છે જે પૈકી એકની હાલત ગંભીર છે.આ ઘટનામાં ડિંડોલી પોલીસે કાર ચાલક આરોપી જયસુખ હડિયાની ધરપકડ કરી વધુ તપાસ હાથ ધરી છે.
સુરત ડિંડોલી વિસ્તારમાં રફતારનો કહેર જોવા મળ્યો છે. આરોપી જયસુખ હડિયા અકસ્માત સર્જી ફરાર થાય તે પહેલા જ લોકોએ તેને ઝડપી પાડ્યો છે. આરોપીને પોલીસ હવાલે કરવામાં આવ્યો છે. કાર ચાલકે સુરતના ડિંડોલી વિસ્તારમાં પૂરપાટ ઝડપે કાર ચલાવી અકસ્માત સર્જ્યો હતો. આ અકસ્માતમાં બાઈકને અડફેટે લેતા ત્રણ લોકો ઈજાગ્રસ્ત થયા હતાં. જેમાં એક વ્યક્તિને ગંભીર ઈજાઓ પહોંચતા તેને સારવાર માટે હોસ્પિટલ ખસેડવામાં આવ્યો હતો. જ્યારે કારમાં દારૂની બોટલ પણ મળી આવી હતી. પોલીસ આ બાબતે વધુ તપાસ હાથ ધરી રહી છે.
ક્રેટા કારમાંથી નાની બોટલમાંથી દારૂ મળ્યો
સુરતના ડિંડોલી વિસ્તારમાં દારૂના નશામાં ધૂત યુવકે મોપેડ સવારને અડફેટે લીધા હતાં. ક્રેટા કારના ચાલકે નશામાં પૂરપાટ ઝડપે કાર ચલાવી અકસ્માત સર્જ્યો હતો. આ અકસ્માતમાં ત્રણ લોકોને અડફેટે લીધા હતાં. બે લોકોને સામાન્ય ઇજા પહોંચી છે જ્યારે એકને ગંભીર હાલતમાં સારવાર અર્થે હોસ્પિટલ ખસેડવામાં આવ્યો હતો. પોલીસને સમગ્ર ઘટનાની જાણ થતાં ઘટના સ્થળે દોડી આવ્યાં હતાં. પોલીસની તપાસમાં ક્રેટા કારમાંથી નાની બોટલમાંથી દારૂ પણ મળી આવ્યો હતો. કારના ચાલકને લોકોએ ઝડપી ડીંડોલી પોલીસના હવાલે કર્યો હતો.આ ઘટનાની જાણ થતાં ડીંડોલી પોલીસ ઘટના સ્થળે પહોંચી હતી અને આગળની કાર્યવાહી હાથ ધરી છે.
Surat: ગરબા રમતા રમતા ઢળી પડ્યો 21 વર્ષીય યુવક, હાર્ટ અટેકના કારણે થયું મોત
રાજ્યમાં નાની ઉંમરમાં હાર્ટ અટેકના કારણે મોત થયાની વધુ એક ઘટના બની હતી. સુરતના સુરતના પલસાણાના બગુમરા ગામમાં ગણેશ વિસર્જન દરમિયાન ગરબા કાર્યક્રમનું આયોજન કરાયુ હતુ. દરમિયાન દર્શન જયેશભાઇ રાઠોડ નામનો 21 વર્ષીય યુવક ગરબા રમતા રમતા ઢળી પડ્યો હતો. બાદમાં યુવકને તાત્કાલિક સારવાર માટે હોસ્પિટલ ખસેડાયો હતો. જો કે યુવકને સારવાર મળે એ પહેલા જ મોત નિપજ્યુ હતું.
Join Our Official Telegram Channel:
https://t.me/abpasmitaofficial
ટોપ સ્ટોરી
ટ્રેન્ડિંગ સમાચાર
