Surat:  બેફામ આવી રહેલી પિકઅપ ગાડીએ પિતા-પુત્રીને અડફેટે લીધા, પુત્રીનું મોત થયું

સુરતના બગુમરા ખાતે ગમખ્વાર અકસ્માત સર્જાયો છે. પિતા પોતાની 2 વર્ષીય પુત્રી સાથે ઘરના બિલો ભરીને ઘરે પરત ફરતા હતા તે વેળાએ અકસ્માત નડ્યો હતો.

સુરત અકસ્માત

સુરત: સુરતના બગુમરા ખાતે ગમખ્વાર અકસ્માત સર્જાયો છે. પિતા પોતાની 2 વર્ષીય પુત્રી સાથે ઘરના બિલો ભરીને ઘરે પરત ફરતા હતા તે વેળાએ અકસ્માત નડ્યો હતો. બેફામ આવી રહેલા પિકઅપ ગાડીએ પિતા પુત્રીને અડફેટે લીધા હતા.  અકસ્માતમાં 2 વર્ષીય બાળકીનું ઘટના સ્થળે જ મોત નીપજ્યું હતું.  

પિતાને ગંભીર ઇજાઓ પહોંચતા નજીકની હોસ્પિટલમાં સારવાર  માટે ખસેડવામાં આવ્યા છે. પિતા પુત્રીને લોકોએ નજીકની હોસ્પિટલમાં ખસેડતા બાળકીને તબીબે મૃત જાહેર કરી હતી. અકસ્માતની ઘટનાને લઈને લોકટોળાએ હોબાળો મચાવ્યો હતો. ઘટનાને લઈને પલસાણા પોલીસ ઘટના સ્થળે પહોંચી હતી અને આગળની કાર્યવાહી હાથ ધરી છે. 

મોરબીમાં વિધર્મી યુવકે યુવતી સાથે બાંધ્યા શરીર સંબંધ

રબીમાં સગીરાને ખોટું નામ આપી વિધર્મી યુવકે દુષ્કર્મ આચર્યું હોવાની ફરિયાદ નોંધવામાં આવી હતી.  યુવકે અશોક નામ આપી યુવતી સાથે પાંચ વર્ષ પહેલા વાતચીત શરુ કરી હતી. બાદમાં ઈન્દિરાનગર વિસ્તારમાં બળજબરીથી શરીર સંબંધ બાંધ્યા હતા અને માતા અને ભાઈને પણ મારી નાખવાની અને સમાજમાં બદનામ કરવાની ધમકી આપી અવનારવાર દુષ્કર્મ આચર્યું હતું. જો કે બાદમાં યુવતીને ખબર પડી કે યુવકનું નામ આશીફ મામદભાઈ મકરાણી છે. જેને લઈ યુવતીએ મોરબી એ ડીવીઝન પોલીસમાં ફરિયાદ નોંધાવી હતી. પોલીસે પોસ્કો સહિતની કલમ હેઠળ ગુનો નોંધી વધુ તપાસ હાથ ધરી હતી.

ઝારખંડમાં શ્રદ્ધા જેવો હત્યાકાંડ, પતિએ પત્નીના ટુકડા કરીને ફેંકી દીધા

ઝારખંડના સાહિબગંજ જિલ્લામાં દિલ્હીની શ્રદ્ધાની હત્યા જેવો મામલો સામે આવ્યો છે. એક વ્યક્તિએ તેની બીજી પત્નીની હત્યા કરી અને તેના શરીરના ઘણા ટુકડા કરી નાખ્યા. કેસની વધુ વિગતો આપતા પોલીસ અધિકારીએ જણાવ્યું હતું કે, "સાહિબગંજની 22 વર્ષની આદિવાસી મહિલાના મૃતદેહના 12 ટુકડાઓ મળી આવ્યા છે. મૃતદેહના માથા સહિત કેટલાક ભાગોની હજુ પણ શોધ ચાલી રહી છે. આરોપી પતિ દિલદાર અંસારીને કસ્ટડીમાં લેવામાં આવ્યો છે, મૃતક તેની બીજી પત્ની હતી." પોલીસના જણાવ્યા અનુસાર, શનિવારે (17 ડિસેમ્બર) સાંજે 6 વાગ્યે સાંથલી મોમીન ટોલા વિસ્તારમાં એક જૂના મકાનમાંથી એક મહિલાનો મૃતદેહ ટુકડાઓમાં મળી આવ્યો હતો. આરોપી મહિલાને લગ્નના બહાને લઈ આવ્યો હોવાનું પ્રાથમિક તપાસમાં બહાર આવ્યું છે.