'ઝીરો ફૂડ ચિલ્ડ્રન' શું છે, જેમાં ભારત ગરીબ આફ્રિકન દેશોથી પણ છે પાછળ, આંકડા જોઈને દંગ રહી જશો

'ઝીરો-ફૂડ ચિલ્ડ્રન'ના સંદર્ભમાં ભારત વિશ્વમાં ત્રીજા ક્રમે છે. ગિની અને માલી એ બે જ દેશ છે જે ભારત કરતા આગળ છે.

પ્રતીકાત્મક તસવીર ( ગૂગલમાંથી)

દુનિયાભરના દેશોમાં ભૂખમરો અને ગરીબી પર કરવામાં આવેલા એક અભ્યાસમાં આ વાત સામે આવી છે. આ અભ્યાસ JAMA નેટવર્ક ઓપનમાં પ્રકાશિત થયો છે. આ મુજબ ભારતમાં 6.7 મિલિયન 'ઝીરો-ફૂડ બાળકો' છે. આનો અર્થ એ થયો કે દેશમાં 60 લાખથી વધુ એવા બાળકો છે જેમની ઉંમર 6-23 મહિનાની વચ્ચે છે અને ઘણી વખત તેમને 24 કલાક (એક દિવસ સુધી) તેમના શરીરને જરૂરી કેલરી મળતી નથી.

જો કે કેન્દ્રીય મહિલા અને બાળ વિકાસ મંત્રાલયે આ અહેવાલને નકલી ગણાવ્યો છે. એક નિવેદનમાં, મંત્રાલયે કહ્યું કે, લેખમાં પ્રાથમિક સંશોધનનો અભાવ છે અને ભ્રામક દાવા કર્યા છે.

આવી સ્થિતિમાં આવો જાણીએ આ ઝીરો ફૂડ બાળકો શું છે અને ભારતમાં આ આંકડો આટલો ઊંચો હોવા પાછળનું કારણ શું છે.

ભારત ત્રીજા નંબર પર છે

અભ્યાસ અનુસાર, 'ઝીરો-ફૂડ ચિલ્ડ્રન'ના સંદર્ભમાં ભારત વિશ્વમાં ત્રીજા ક્રમે છે. ગિની અને માલી બે જ દેશ છે જે આ મામલે ભારત કરતા આગળ છે. જ્યારે ગિનીમાં 21.8% ઝીરો ફૂડ બાળકો છે, જ્યારે માલીમાં 20.5% બાળકો છે જેમને ક્યારેક 24 કલાક સુધી ખોરાક મળતો નથી. ભારતની ટકાવારી 19.3% છે.

તમને જાણીને નવાઈ લાગશે કે પાકિસ્તાન, બાંગ્લાદેશ, નાઈજીરીયા અને ઈથોપિયા જેવા કહેવાતા ગરીબ દેશોના આંકડા પણ ભારત કરતા સારા છે. રિપોર્ટ અનુસાર, ભારતના પડોશી દેશ બાંગ્લાદેશમાં ઝીરો ફૂડ બાળકોની સંખ્યા 5.6%, પાકિસ્તાન 9.2%, ડેમોક્રેટિક રિપબ્લિક ઓફ કોંગો 7.4%, નાઈજીરીયા 8.8% અને ઈથોપિયા 14.8% છે.

સંશોધન ડેટા ક્યાંથી લેવામાં આવ્યા હતા?

આ સંશોધનમાં કેન્દ્રીય સ્વાસ્થ્ય મંત્રાલય હેઠળ કામ કરતી એજન્સી નેશનલ ફેમિલી હેલ્થ સર્વેના 2019-2021ના ડેટાનો ઉપયોગ કરવામાં આવ્યો છે અને આ રિપોર્ટ માટે રિસર્ચ પોપ્યુલેશન હેલ્થ રિસર્ચર એસ.વી. સુબ્રમણ્યમે કર્યું છે.

ઝીરો ફૂડ બાળકો શું છે?

ઝીરો ફૂડ ચિલ્ડ્રન એટલે કે જે બાળકોને 24 કલાકમાં તેમના શરીર માટે જરૂરી કેલરી પ્રમાણે પોષણયુક્ત ખોરાક મળતો નથી. આનો અર્થ એ છે કે, બાળકોને 24 કલાક તેમના શરીરની જરૂરિયાત મુજબ ખોરાક નથી મળતો.

નિષ્ણાતોના મતે, બાળકોના વિકાસ માટે પોષણયુક્ત ખોરાક લેવો સૌથી જરૂરી છે કારણ કે, તેની સીધી અસર તેમના શારીરિક અને માનસિક વિકાસ પર પડે છે. ઝીરો-ફૂડ બાળકોને એવા બાળકો તરીકે ગણવામાં આવે છે જેમની ઉંમર છ મહિનાથી 24 મહિના સુધીની હોય છે.

દક્ષિણ એશિયાના દેશોમાં મોટાભાગના બાળકો ભૂખ્યા રહે છે

રિપોર્ટ અનુસાર, વિશ્વમાં સૌથી વધુ ઝીરો ફૂડ બાળકો દક્ષિણ એશિયામાં છે, અહીં લગભગ 80 લાખ બાળકો છે જેમને યોગ્ય માત્રામાં પોષણયુક્ત ખોરાક મળતો નથી અને આ 80 લાખ બાળકોમાંથી 67 લાખ બાળકો માત્ર ભારતમાં છે.

જો કે, આ જ અહેવાલમાં એ પણ ઉલ્લેખ કરવામાં આવ્યો છે કે, 92 દેશોમાં છ મહિનાથી ઓછી ઉંમરના 99 ટકાથી વધુ ઝીરો ફીડ બાળકોએ સ્તનપાન કરાવ્યું હતું. એટલે કે, તેમને તેમની જરૂરિયાત મુજબ ખોરાક ન મળ્યો પરંતુ તમામ બાળકોને 24 કલાક દરમિયાન થોડી કેલરી મળી.

રિપોર્ટમાં કહેવામાં આવ્યું છે કે, વાસ્તવિક સમસ્યા છ મહિના કે તેથી વધુ ઉંમરના બાળકો સાથે ઊભી થાય છે કારણ કે આ તે સમય છે જ્યારે બાળકોને માત્ર સ્તનપાન દ્વારા જ જરૂરી પોષણ મળતું નથી. નિષ્ણાતોના મતે છ મહિના પછી સ્તનપાન સિવાય બાળકોને ખોરાક દ્વારા જરૂરી પ્રોટીન, એનર્જી, વિટામિન્સ અને મિનરલ્સની પણ જરૂર પડે છે.

ભારતમાં શા માટે ચોંકાવનારા આંકડા છે?

2019 અને 2021 વચ્ચે હાથ ધરવામાં આવેલા સ્વાસ્થ્ય સર્વેક્ષણના ડેટાની મદદથી, આ ડેટાનો પ્રથમ અંદાજ 2023માં શેર કરવામાં આવ્યો છે. આ મુજબ ભારતમાં દર 10માંથી બે નવજાત શિશુને આખો દિવસ કેલરીયુક્ત ખોરાક ન મળવાનું જોખમ રહેલું છે.

રિપોર્ટ અનુસાર, ભારતમાં 2016માં ઝીરો ફૂડ બાળકોની સંખ્યા 17.2 ટકા હતી, જે 2021માં વધીને 17.8 ટકા અને 2023માં 19.3 ટકા થઈ ગઈ છે. સંશોધક સુબ્રમણ્યમના જણાવ્યા અનુસાર, આ આંકડાઓ ગંભીર 'ખોરાકનો અભાવ' એટલે કે ખોરાકની અછત દર્શાવે છે.

કયા રાજ્યોમાં સૌથી વધુ ઝીરો ફૂડ બાળકો છે?

સંશોધન માટે ભારતના 59 લાખ બાળકોનો સર્વે કરવામાં આવ્યો હતો. આ બાળકો દેશના અલગ-અલગ રાજ્યોના હતા અને સર્વે દર્શાવે છે કે સૌથી વધુ ઝીરો ફૂડ બાળકો ઉત્તર પ્રદેશમાં છે. આ રાજ્યના લગભગ 27.4 ટકા બાળકોને 24 કલાક પોષણયુક્ત ખોરાક મળતો નથી. છત્તીસગઢ બીજા સ્થાને છે, અહીંના 24.6% બાળકો ઝીરો ફૂડ બાળકોની શ્રેણીમાં આવે છે.  ઝારખંડમાં 21%, રાજસ્થાનમાં 19.8% અને આસામમાં 19.4% બાળકો એવા છે જેમને યોગ્ય માત્રામાં કેલરી મળતી નથી.

આ સિવાય ભારતમાં કુલ 20 રાજ્યો એવા છે જ્યાં અગાઉના આંકડાની સરખામણીમાં ઝીરો ફૂડ બાળકોની સંખ્યામાં ઘટાડો થયો છે. આ રાજ્યોમાં બંગાળનો પણ સમાવેશ થાય છે. અહીં વર્ષ 2916માં ઝીરો ફૂડ ધરાવતા બાળકોની સંખ્યા 12.1% હતી, જે 2021માં ઘટીને 7.5% થઈ ગઈ છે.

100 કરોડથી વધુ લોકોને હેલ્ધી ફૂડ મળતું નથી

FAO, IFAD, UNICEF, WFP અને WHO ના અહેવાલો અનુસાર, ભારતમાં 74% થી વધુ વસ્તી અને સમગ્ર વિશ્વની 42% થી વધુ વસ્તીને તંદુરસ્ત ખોરાક મળતો નથી. તેમની કુપોષણની સમસ્યા માટે આ પણ જવાબદાર છે. આ અહેવાલો અનુસાર, ભારતમાં 100 કરોડથી વધુ લોકો એવા છે જેઓ ઓછા પૌષ્ટિક ખોરાક ખાવા માટે મજબૂર છે.

બીજી તરફ ભારતના પાડોશી દેશ ચીનની સ્થિતિ ઘણી સારી છે. અહીં માત્ર 11 ટકા લોકો એવા છે કે જેઓ પૌષ્ટિક ખોરાક લઈ શકતા નથી અથવા તંદુરસ્ત ખોરાક મેળવી શકતા નથી.

કુપોષણ ભારતના વૃદ્ધોને પણ અસર કરી રહ્યું છે

ભારતમાં કુપોષણ એ માત્ર બાળકો અને યુવાનો માટે જ ચિંતાનો વિષય નથી પરંતુ તેની અસર વૃદ્ધોને પણ થઈ રહી છે. ઈન્ટરનેશનલ ઈન્સ્ટિટ્યૂટ ફોર પોપ્યુલેશન સાયન્સ દ્વારા હાથ ધરવામાં આવેલા અભ્યાસમાં બહાર આવ્યું છે કે, દેશમાં 60 વર્ષથી વધુ ઉંમરના લગભગ 28 ટકા પુરુષો અને 25 ટકા મહિલાઓનું વજન સામાન્ય કરતાં ઓછું છે.

લગભગ 37 ટકા સ્ત્રીઓ અને 25 ટકા પુરૂષો સમાન વયના વજન અને સ્થૂળતાની સમસ્યા સાથે સંઘર્ષ કરી રહ્યા છે. મતલબ કે વૃદ્ધ મહિલાઓમાં વધતું વજન અને સ્થૂળતા પણ મોટી સમસ્યા બની રહી છે.

આ સંશોધનમાં સંશોધકોએ 59,073 લોકોના ડેટાનું વિશ્લેષણ કર્યું છે. આ લોકોની ઉંમર 45 વર્ષ કે તેથી વધુ હતી.

લોકો કુપોષિત કેમ બને છે?

આનું સૌથી મોટું કારણ છે ગરીબી - ઘણા લોકો પૈસાના અભાવે નિયમિતપણે સંતુલિત આહાર ખાઈ શકતા નથી. આર્થિક સંકટના સમયમાં કુપોષણની સ્થિતિ સ્પષ્ટ દેખાઈ આવે છે. કુપોષિત શરીર રોગો સામે લડવામાં અસમર્થ હોય છે, જેના કારણે તેમનું કુપોષણ વધે છે.