ચીનના 7000 જવાનોની સુરક્ષામાં પાકિસ્તાને ઉભા રાખ્યા 15,000 સૈનિકો

નવી દિલ્લી: પાકિસ્તાન અને ચીનની મિત્રતા હવે જગજાહેર થઈ ગઈ છે. ગત દિવસોમાં એનએસજીના મુદ્દા ઉપર પણ ચીને ઈસ્લામાબાદનો સાથ આપ્યો હતો, અને ભારતનો પ્રવેશ રોકી દીધો હતો. એકવાર ફરીથી આવો જ મામલો સામે આવ્યો છે. જેમાં ચીન અને પાકિસ્તાનની મિત્રતા એકવાર ફરીથી સામે આવી છે. પીઓકેમાં બની રહેલા ચીન-પાકિસ્તાન ઈકોનૉમિક કૉરિડર (સીપીઈસી) પરિયોજનાની સુરક્ષા માટે પાકિસ્તાન, ચીનને મદદ કરી રહ્યું છે. એક અંગ્રેજી અખબાર પ્રમાણે, પાકિસ્તાન આ કૉરિડર માટે કામ કરનાર તમામ ચીની નાગરિકોની સુરક્ષામાં પોતાના પાછળ પોતાના જવાનો ઉભા રાખ્યો છે. એક નાગરિક પાછળ બે પાક જવાન લગાવવામાં આવ્યા છે. 7 હજાર ચીની નાગરિકોની સુરક્ષા માટે પાકે 15 હજાર જવાનો ઉભા રાખ્યા છે. જો કે, જ્યારથી આ કૉરિડર બનવાનું શરૂ થયું છે ત્યારથી તેના પર ઘણા હુમલાઓ થઈ ચૂક્યા છે. સુરક્ષાને ધ્યાનમાં રાખીને આ કદમ ઉઠાવવામાં આવ્યું છે. એસેંબલીમાં જણાવવામાં આવ્યું છે કે પંજાબમાં 6364 જવાન ચીનના 7036 નાગરિકોની સપરક્ષા માટે નિયુક્ત કરવામાં આવ્યા છે.