ફરી મંડરાયું LPG અછતનું સંકટ: કતારના ગેસ પ્લાન્ટમાં ભયાનક બ્લાસ્ટ, 13 ના મોત, 54 ઈજાગ્રસ્ત

qatar gas plant explosion: ઈરાની હુમલા બાદ બંધ પડેલા 'બરઝાન ગેસ પ્લાન્ટ'ને ફરી ચાલુ કરતી વખતે મોટી દુર્ઘટના સર્જાઈ; મૃતકોમાં ભારતીય અને પાકિસ્તાની કામદારો પણ સામેલ, 18 હજુ લાપતા.

qatar gas plant explosion lpg shortage crisis india news

Source : ai

Show Quick Read

Key points generated by AI, verified by newsroom

• કતારના ગેસ પ્લાન્ટ વિસ્ફોટ; ૧૩ મૃત્યુ, ૫૪ ઘાયલ, ૧૮ ગુમ.
• મૃતકોમાં ભારતીય-પાકિસ્તાની કામદારો; દૂતાવાસે હેલ્પલાઈન જાહેર કરી.
• યુદ્ધવિરામ વચ્ચે પ્લાન્ટ પુનઃકાર્યરત કરતા દુર્ઘટના બની.
• આ દુર્ઘટનાથી વૈશ્વિક ગેસ સંકટ વધુ ઘેરાયું છે.

qatar gas plant explosion: વિશ્વના સૌથી મોટા કુદરતી ગેસ (LPG/LNG) ઉત્પાદક દેશ કતારમાં એક મોટી દુર્ઘટના સર્જાઈ છે. રવિવારે રાત્રે (21 જૂન, 2026) રાસ લફાન ઔદ્યોગિક વિસ્તારમાં આવેલા મુખ્ય ગેસ નિકાસ ટર્મિનલ પર ભયાનક બ્લાસ્ટ થયો છે. આ અકસ્માતમાં 13 લોકોના કરુણ મોત નિપજ્યા છે, 54 લોકો ગંભીર રીતે ઘાયલ છે, જ્યારે 18 લોકો હજુ પણ લાપતા હોવાના અહેવાલ છે. આ પ્લાન્ટ ઈરાની હુમલા અને હોર્મુઝ સ્ટ્રેટ બંધ થવાને કારણે બંધ કરી દેવામાં આવ્યો હતો. યુદ્ધવિરામની વાટાઘાટો વચ્ચે તેને ફરીથી શરૂ કરવાનો પ્રયાસ થઈ રહ્યો હતો, બરાબર ત્યારે જ આ મોટો વિસ્ફોટ થયો. આ ઘટનાથી આખી દુનિયામાં ફરી એકવાર ગેસ કટોકટી ઘેરી બની શકે છે.

મૃતકોમાં ભારતીય અને પાકિસ્તાની કામદારો પણ સામેલ

કતારમાં મોટા પાયે ભારતીય અને પાકિસ્તાની નાગરિકો કામ કરે છે. અહેવાલો મુજબ, આ દુર્ઘટનામાં જીવ ગુમાવનાર લોકોમાં ભારત અને પાકિસ્તાનના નાગરિકોનો પણ સમાવેશ થાય છે. જોકે, હજુ સુધી એ સ્પષ્ટ નથી થઈ શક્યું કે આમાંથી કેટલા ભારતીયો અને કેટલા પાકિસ્તાનીઓ છે.

ભારતીય દૂતાવાસની પ્રતિક્રિયા અને હેલ્પલાઈન

દોહામાં આવેલા ભારતીય દૂતાવાસે આ ગોઝારી ઘટના પર ઉંડા શોકની લાગણી વ્યક્ત કરી છે. દૂતાવાસે સોશિયલ મીડિયા પર જણાવ્યું હતું કે, "આ મુશ્કેલ સમયમાં ભારતીય દૂતાવાસ અને કતારમાં વસતો સમગ્ર ભારતીય સમુદાય કતારની સરકાર અને લોકોની પડખે ઊભો છે." દૂતાવાસે ઘાયલો જલ્દી સાજા થાય અને ગુમ થયેલા લોકો સુરક્ષિત મળી આવે તેવી પ્રાર્થના કરી છે. ભારતીયોની મદદ અને માહિતી માટે દૂતાવાસે એક ખાસ હેલ્પલાઈન નંબર અને ઈમેલ એડ્રેસ પણ જાહેર કર્યું છે.

આ પણ વાંચોઃ LPG ગેસ સિલિન્ડર ઘરે ક્યારે પહોંચશે? ગેસ એજન્સીને ફોન કર્યા વગર મિનિટોમાં જાણો

પ્લાન્ટની ક્ષમતા અને વિસ્ફોટનું કારણ

બરઝાન ગેસ સપ્લાય ફેસિલિટી કતારની સરકારી કંપની 'કતારએનર્જી' ની માલિકીનો પ્લાન્ટ છે (જેમાં અમેરિકન કંપની એક્સોનમોબિલનો પણ નાનો હિસ્સો છે). આ પ્લાન્ટ દરરોજ 1.4 અબજ સ્ટાન્ડર્ડ ક્યુબિક ફૂટ ગેસનું જંગી ઉત્પાદન કરે છે. અમેરિકા અને ઈરાન વચ્ચેના યુદ્ધને લીધે હોર્મુઝ સ્ટ્રેટ બંધ હોવાથી કતાર તેના જહાજો નહોતું મોકલી શકતું, તેથી ઉત્પાદન બંધ રખાયું હતું. હવે જ્યારે વાટાઘાટો ચાલી રહી છે, ત્યારે સોમવારે (22 જૂન) ઉર્જા પ્રધાન શેરીદા અલ કાબીની હાજરીમાં તેને રિસ્ટાર્ટ કરતી વખતે આ અકસ્માત સર્જાયો હતો.

દુનિયા પર ફરી ગેસ સંકટનો ખતરો!

કતાર લિક્વિફાઇડ નેચરલ ગેસ (LNG) નો વિશ્વનો સૌથી મોટો નિકાસકાર દેશ છે. જાપાન, દક્ષિણ કોરિયા જેવા એશિયન દેશો અને અનેક યુરોપિયન દેશો તેમની વીજળી અને ઉર્જા માટે મોટાભાગે કતાર પર જ નિર્ભર છે. યુદ્ધના કારણે પહેલેથી જ ગેસનો પુરવઠો બંધ હતો. હવે જ્યારે નિકાસ ફરી શરૂ થવાની આશા બંધાઈ હતી, ત્યાં જ આ મોટો બ્લાસ્ટ થતાં, સપ્લાય ફરી શરૂ થવામાં હજુ ઘણો લાંબો સમય લાગી શકે છે, જે વૈશ્વિક ગેસ માર્કેટ માટે મોટા ઝટકા સમાન છે.

આ પણ વાંચોઃ હોર્મુઝ વિવાદ: પેટ્રોલ ₹150ને પાર જશે? જાણો LPG અને ફસાયેલા જહાજોની આખી સ્થિતિ વિશે