Russia Drone Attack: રશિયાના ડ્રોન હુમલાથી મચી તબાહી, યુક્રેનના પરમાણુ પાવર પ્લાન્ટને બનાવ્યો નિશાન
Russia Drone Attack: રશિયાએ ચોર્નોબિલ ન્યુક્લિયર પાવર પ્લાન્ટના ચોથા પાવર યુનિટને ઉચ્ચ-વિસ્ફોટક હથિયારથી નિશાન બનાવ્યું.
Russia Drone Attack: રશિયાએ ડ્રોન હુમલાની મદદથી ચોર્નોબિલ ન્યુક્લિયર પાવર પ્લાન્ટના ચોથા પાવર યુનિટને નિશાન બનાવ્યું છે. રશિયન ડ્રોન દ્વારા નિષ્ક્રિય કરાયેલા ચોર્નોબિલ પરમાણુ પાવર પ્લાન્ટ પર હુમલો, વૈશ્વિક પરમાણુ સુરક્ષાને જોખમમાં મૂકે છે. યુક્રેનના રાષ્ટ્રપતિ ઝેલેન્સકીએ પોતે આ હુમલાનો દાવો કર્યો છે. તમને જણાવી દઈએ કે નિષ્ણાતો રશિયાના આ હુમલાને વૈશ્વિક સુરક્ષા માટે મોટો ખતરો માની રહ્યા છે. ચોર્નોબિલ ખાતે બનેલ આ ખાસ યુનિટ યુક્રેન, યુરોપ, અમેરિકા અને અન્ય દેશોની મદદથી બનાવવામાં આવ્યું હતું, જેનો ઉદ્દેશ્ય રેડિયેશનના જોખમોને ટાળવાનો હતો.
#BREAKING Ukrainian President Volodymyr Zelensky says a Russian drone struck a cover built to contain radiation at Chernobyl nuclear power plant, adding 'radiation levels have not increased' pic.twitter.com/shfvF4Ce6c
— AFP News Agency (@AFP) February 14, 2025
યુક્રેનના રાષ્ટ્રપતિ વોલોડીમીર ઝેલેન્સકીએ આ ઘટનાને આતંકવાદી હુમલો ગણાવ્યો છે. તેમણે રશિયા પર આંતરરાષ્ટ્રીય નિયમોની અવગણના કરવાનો અને પરમાણુ સ્થળોને નિશાન બનાવવાનો આરોપ લગાવ્યો, જે સમગ્ર વિશ્વ માટે ગંભીર ખતરો છે. ઝેલેન્સકીએ ભારપૂર્વક જણાવ્યું હતું કે આવા હુમલાઓ વૈશ્વિક સુરક્ષાને નબળી પાડી શકે છે અને તાત્કાલિક પ્રતિક્રિયાની જરૂર છે.
Last night, a Russian attack drone with a high-explosive warhead struck the shelter protecting the world from radiation at the destroyed 4th power unit of the Chornobyl Nuclear Power Plant.
— Volodymyr Zelenskyy / Володимир Зеленський (@ZelenskyyUa) February 14, 2025
This shelter was built by Ukraine together with other countries of Europe and the world,… pic.twitter.com/mLTGeDYgPT
આગ કાબુમાં આવી
રાષ્ટ્રપતિ ઝેલેન્સકીની પુષ્ટિ પછી, ફાયર સેફ્ટી અધિકારીઓએ માહિતી આપી કે ચેર્નોબિલ પ્લાન્ટ પર ડ્રોન હુમલા પછી લાગેલી આગને સંપૂર્ણપણે કાબૂમાં લેવામાં આવી છે. જોકે, આ ઘટનાએ ફરી એકવાર વિશ્વને ચેર્નોબિલ જેવા સંવેદનશીલ સ્થળોએ રહેલા જોખમો વિશે ચેતવણી આપી છે.
રેડિયેશનનું કોઈ જોખમ નથી
રશિયન ડ્રોન હુમલા પછી ચેર્નોબિલ પ્લાન્ટમાં રેડિયેશન સ્તરની તપાસ કરવામાં આવી હતી. તપાસ બાદ, નિષ્ણાતોએ પુષ્ટિ આપી છે કે હાલમાં રેડિયેશનનું કોઈ અસામાન્ય સ્તર જોવા મળ્યું નથી. પ્લાન્ટના અધિકારીઓ પરિસ્થિતિ પર નજર રાખી રહ્યા છે જેથી ભવિષ્યમાં કોઈપણ જોખમનો સામનો કરી શકાય.
આ પણ વાંચો....
PM Modi US Visit: પીએમ મોદીના US પ્રવાસથી ભારતને શું મળ્યું? 10 પોઈન્ટમાં સમજો ટ્રમ્પ સાથેની મુલાકાતને લગતી દરેક બાબત
ટોપ સ્ટોરી
ટ્રેન્ડિંગ સમાચાર
