અમેરિકાની સ્કૂલમાં ગોળીબારમાં 3 વિદ્યાર્થીઓ સહિત 6 લોકોના મોત, મહિલા હુમલાખોર ઠાર
ગોળીબારમાં ગંભીર રીતે ઘાયલ થયેલા લોકોને તાત્કાલિક સારવાર માટે મોનરો કેરેલ જુનિયર ચિલ્ડ્રન્સ હોસ્પિટલમાં લઈ જવામાં આવ્યા હતા.
US School Shooting: યુએસ શહેર નેશવિલની એક ખાનગી ક્રિશ્ચિયન સ્કૂલમાં સોમવારે સવારે થયેલા ગોળીબારમાં 3 વિદ્યાર્થીઓ સહિત 6 લોકોના મોત થયા છે. એએફપી ન્યૂઝ એજન્સીના જણાવ્યા અનુસાર, હુમલાખોર એક મહિલા હતી જેને પોલીસે ઘટનાસ્થળે જ મારી નાખી હતી. ગોળી વાગવાથી તમામના મોત થયા હતા. હોસ્પિટલમાં લઈ જવાયા બાદ મૃતકનું મોત નિપજ્યું હતું. કોન્વેન્ટ સ્કૂલમાં આ હુમલો થયો હતો. ઘટના બાદ વિસ્તારમાં ભારે પોલીસ બંદોબસ્ત ગોઠવી દેવામાં આવ્યો છે.
વાસ્તવમાં, ગોળીબારમાં ગંભીર રીતે ઘાયલ થયેલા લોકોને તાત્કાલિક સારવાર માટે મોનરો કેરેલ જુનિયર ચિલ્ડ્રન્સ હોસ્પિટલમાં લઈ જવામાં આવ્યા હતા. જ્યાં તબીબોએ તેને મૃત જાહેર કર્યો હતો. આ હુમલામાં વધુ કોઈ જાનહાનિ થઈ છે કે નહીં, તેની પુષ્ટિ થઈ નથી.
An active shooter event has taken place at Covenant School, Covenant Presbyterian Church, on Burton Hills Dr. The shooter was engaged by MNPD and is dead. Student reunification with parents is at Woodmont Baptist Church, 2100 Woodmont Blvd. pic.twitter.com/vO8p9cj3vx
— Metro Nashville PD (@MNPDNashville) March 27, 2023
વિદ્યાર્થીઓને સલામત સ્થળે લઈ જવામાં આવ્યા હતા
આ ઘટના બાદ શાળામાં હાજર અન્ય વિદ્યાર્થીઓને પોલીસ સુરક્ષા હેઠળ સલામત સ્થળે લઈ જવામાં આવ્યા હતા. ગભરાયેલા વિદ્યાર્થીઓને તેમના માતા-પિતા સાથે ચર્ચમાં લાવવામાં આવ્યા હતા. શાળાની વેબસાઈટ મુજબ, 2001માં સ્થપાયેલી શાળામાં અંદાજે 200 વિદ્યાર્થીઓ છે. તેમજ શાળામાં 33 શિક્ષકો છે
કોવેન્ટ સ્કૂલમાં ફાયરિંગ
હુમલાનો ભોગ બનેલી શાળાનું નામ ધ કોવેન્ટ સ્કૂલ જણાવવામાં આવી રહ્યું છે. ઘટના બાદ વિસ્તારમાં ભારે પોલીસ બંદોબસ્ત ગોઠવી દેવામાં આવ્યો છે. શાળામાં પ્લેગ્રુપથી છઠ્ઠા ધોરણ સુધીના 200 જેટલા વિદ્યાર્થીઓ હતા. હુમલા બાદ અરાજકતાનો માહોલ સર્જાયો હતો. પોતાનો જીવ બચાવવા વિદ્યાર્થીઓ નજીકના ચર્ચ તરફ ભાગ્યા. WTVF-TV પર રિપોર્ટર હેન્નાહ મેકડોનાલ્ડે જણાવ્યું કે તેની સાસુ ધ કોવેન્ટ સ્કૂલમાં કામ કરતી હતી.
અગાઉ પણ આવી ઘટનાઓ બની છે
ઉલ્લેખનીય છે કે આ પહેલા પણ અમેરિકામાં આવા હુમલા થઈ ચૂક્યા છે. જાન્યુઆરીમાં અમેરિકાના આયોવામાં એક શાળામાં અંધાધૂંધ ગોળીબારની ઘટના બની હતી. જેમાં બે વિદ્યાર્થીઓના મોત થયા હતા જ્યારે એક શિક્ષક ગંભીર રીતે ઘાયલ થયો હતો. આ ઘટનાના બે દિવસ પહેલા કેલિફોર્નિયામાં અંધાધૂંધ ગોળીબારની ઘટનામાં 10 લોકોના મોત થયા હતા. આ સિવાય અનેક લોકો ઘાયલ થયા છે.
ટ્રેન્ડિંગ સમાચાર
ટોપ સ્ટોરી
