Recruitment: સરકારી નોકરીની તક, CRPFમાં વૉક-ઇન-ઇન્ટરવ્યૂ સાથે બહાર પડી ભરતી, મહિને 55 હજારથી વધુનો પગાર

આ ભરતી અભિયાન દ્વારા સેન્ટ્રલ રિઝર્વ પોલીસ ફોર્સમાં ફિઝિયોથેરાપિસ્ટની કુલ 03 જગ્યાઓ ભરવામાં આવશે

(તસવીર- એબીપી લાઇવ)

CRPF Jobs 2024: CRPF એ ફિઝિયોથેરાપિસ્ટના પદ માટે અરજીઓ આમંત્રિત કરી છે. આ પદો માટે ઉમેદવારોની પસંદગી વૉક-ઇન-ઇન્ટરવ્યૂના આધારે કરવામાં આવશે. સેન્ટ્રલ રિઝર્વ પોલીસ ફોર્સ (CRPF) દ્વારા ભરતીની સૂચના જાહેર કરવામાં આવી છે. જે મુજબ CRPFમાં ફિઝિયોથેરાપિસ્ટની પોસ્ટ પર ભરતી કરવામાં આવશે. વૉક-ઇન-ઇન્ટરવ્યૂના આધારે ઉમેદવારોની પસંદગી કરવામાં આવશે.

આ ભરતી અભિયાન દ્વારા સેન્ટ્રલ રિઝર્વ પોલીસ ફોર્સમાં ફિઝિયોથેરાપિસ્ટની કુલ 03 જગ્યાઓ ભરવામાં આવશે.

નૉટિફિકેશન મુજબ, આ ભરતી માટે અરજી કરનારા ઉમેદવારોની ઉંમર 40 વર્ષથી ઓછી હોવી જોઈએ.

અરજી કરનાર ઉમેદવાર પાસે માન્ય ભારતીય અથવા વિદેશી યૂનિવર્સિટીમાંથી ફિઝિયોથેરાપીમાં માસ્ટર ડિગ્રી હોવી આવશ્યક છે.

પસંદ કરાયેલા ઉમેદવારને દર મહિને 55 હજાર રૂપિયા પગાર તરીકે આપવામાં આવશે.

આ જગ્યાઓ માટે ઉમેદવારોનું વૉક-ઇન ઇન્ટરવ્યૂના આધારે થશે. પસંદગી કરારના આધારે કરવામાં આવશે.

ઇન્ટરવ્યૂ માટે ઉમેદવારે જરૂરી દસ્તાવેજો સાથે 17મી જૂનના રોજ ડિરેક્ટોરેટ ઑફ ટ્રેનિંગ, ઇસ્ટ બ્લોક નંબર 10, લેવલ 7, આરકે પુરમ, નવી દિલ્હી, 110066 પર પહોંચવાનું રહેશે.