રેલ્વે પ્રોટેક્શન ફોર્સમાં 4660 કોન્સ્ટેબલ, SIની ભરતી બહાર પડી, ધોરણ-10 પાસ કરી શકે છે અરજી

RPF Constable SI, Bharti 2024: રેલવે પ્રોટેક્શન ફોર્સ (RPF)માં કોન્સ્ટેબલ અને સબ ઈન્સ્પેક્ટરની બમ્પર ભરતી થઈ રહી છે. આ માટેની અરજી 15મી એપ્રિલથી શરૂ થશે.

રેલ્વે દ્વારા જારી કરાયેલા નોટિફિકેશન મુજબ, RPF કોન્સ્ટેબલ અને SI માટે કુલ 4660 જગ્યાઓ ખાલી છે.

RPF Bharti 2024: ભારતીય રેલ્વેના રેલ્વે પ્રોટેક્શન ફોર્સ (RPF) માં 4000 થી વધુ કોન્સ્ટેબલ અને સબ ઈન્સ્પેક્ટરની જગ્યાઓ માટે ભરતી છે. આ માટેનું આવેદનપત્ર 15મી એપ્રિલથી ભરવામાં આવશે. RPF ભરતી 2024 માટે અરજી સત્તાવાર વેબસાઇટ rpf.indianrailways.gov.in પર જઈને કરવાની રહેશે. અરજી કરવાની છેલ્લી તારીખ 14 મે છે.

રેલ્વે દ્વારા જારી કરાયેલા નોટિફિકેશન મુજબ, RPF કોન્સ્ટેબલની 4208 જગ્યાઓ ખાલી છે. જ્યારે RPF સબ ઇન્સ્પેક્ટરની 452 ખાલી જગ્યાઓ પર ભરતી થશે. આ ભરતી માટેની અરજી ફી SC/ST, ભૂતપૂર્વ સૈનિકો, મહિલાઓ, લઘુમતીઓ અને આર્થિક રીતે પછાત ઉમેદવારો માટે રૂ. 250 છે. અન્ય ઉમેદવારોએ 500 રૂપિયાની અરજી ફી ચૂકવવાની રહેશે.