Lok Sabha Election 2024: કંગના રનૌતે મંડી સીટથી નોંધાવી ઉમેદવારી, કહ્યું- ક્યાંક આ પ્રથમ અને છેલ્લી ચૂંટણી ન હોય

હિમાચલ પ્રદેશની મંડી બેઠક પરથી બીજેપી ઉમેદવાર કંગના રનૌતે ઉમેદવારી નોંધાવી છે. કોંગ્રેસે મંડીથી કંગના રનૌત સામે વિક્રમાદિત્ય સિંહને ટિકિટ આપી છે. 2019માં ભાજપે આ સીટ જીતી હતી.

હિમાચલ પ્રદેશની મંડી બેઠક પરથી બીજેપી ઉમેદવાર કંગના રનૌતે લોકસભા ચૂંટણી માટે ઉમેદવારી નોંધાવી છે. આ દરમિયાન તેમના હિમાચલ પ્રદેશના પૂર્વ સીએમ જયરામ ઠાકુર હાજર રહ્યા હતા.

મંડી બેઠક પર કોંગ્રેસ અને ભાજપ વચ્ચે જોરદાર ટક્કર થવાની આશા છે. કારણ કે કોંગ્રેસે અહીંથી દિવંગત નેતા વીરભદ્ર સિંહના પુત્ર વિક્રમાદિત્ય સિંહને મેદાનમાં ઉતાર્યા છે.

નોમિનેશન ફાઈલ કરતા પહેલા કંગનાએ કહ્યું કે, આ મારા માટે ભાગ્યની વાત છે કે આજે પીએમ મોદી બડી કાશીથી નોમિનેશન ફાઈલ કરવાના છે અને હું છોટી કાશીથી જઈ રહી છું.