PHOTOS : ઋતિકની આ ફિલ્મ માટે પ્રિયંકા નહીં અમૃતા રાવ હતી પહેલી પસંદ પણ...

વિવાહમાં પોતાની એક્ટિંગ અને માસૂમિયતથી લોકોનું દિલ જીતનાર અમૃતા રાવ આ દિવસોમાં એક્ટિંગથી દૂર છે. પરંતુ તેનો ક્રેઝ ચાહકોમાં હજુ પણ છે. આ સ્થિતિમાં અમે તમને તેની રસપ્રદ વાત જણાવી રહ્યા છીએ.

Amrita Rao

આ સ્ટોરી તે સમયની છે જ્યારે 'ક્રિશ' રિલીઝ થઈ હતી. આ ફિલ્મે બોક્સ ઓફિસ પર જોરદાર કમાણી કરી હતી. હવે તમે વિચારતા હશો કે આ ફિલ્મમાં પ્રિયંકા ચોપરા હિરોઈન હતી તો પછી અમૃતા રાવની વાત ક્યાંથી આવી.

હવે તમારા મનના ઘોડા દોડતા પહેલા તમને જણાવી દઈએ કે અમૃતા રાવ આ ફિલ્મ માટે મેકર્સની પહેલી પસંદ હતી.

આ વાતનો ખુલાસો ખુદ અમૃતા રાવે હિન્દુસ્તાન ટાઈમ્સ સાથેની વાતચીતમાં કર્યો હતો. અભિનેત્રીએ કહ્યું હતું કે, 'મને 'ક્રિશ' ઓફર કરવામાં આવી હતી. પછી આ માટે મારું અને રિતિક રોશનનું ફોટોશૂટ પણ થયું. પણ આમાં અમારી કેમેસ્ટ્રી જરાય જામી નહોતી.

અમૃતાએ કહ્યું હતું કે, 'હું ઊંચાઈમાં હૃતિક રોશન કરતાં ઘણી નાની દેખાતી હતી. આ જ કારણ છે કે મારે તે ફિલ્મ છોડવી પડી. હવે હું એટલું જ કહી શકું છું કે જે કોઈના નસીબમાં હોય છે, તે મળે છે.

જણાવી દઈએ કે 'વિવાહ' સિવાય અમૃતા રાવે 'મેં હું ના' અને 'ઈશ્ક વિશ્ક' જેવી સુપરહિટ ફિલ્મોમાં પણ કામ કર્યું છે.

જો કે, હવે અભિનેત્રી મોટા પડદા પર ઓછી સક્રિય છે. તેણે આરજે અનમોલ સાથે લગ્ન કર્યા છે. હવે તેઓ સાથે મળીને YouTube ચેનલ ચલાવે છે. આ દંપતી એક પુત્ર વીરના માતા-પિતા પણ છે.