Amrapali Dubey Birthday: શું 'નિરહુઆ'ની રિયલ વાઇફ છે આમ્રપાલી દુબે? બર્થ-ડે પર જાણો તેના વિશે

ભોજપુરી સિનેમાની સુપરહિટ અભિનેત્રી આમ્રપાલી દુબે આજે તેનો 31મો જન્મદિવસ ઉજવી રહી છે. ઘણીવાર લોકો તેને 'નિરહુઆ' એટલે કે દિનેશ લાલ યાદવની પત્ની કહે છે. શું તમે જાણો છો શું છે વાસ્તવિકતા?

Amrapali Dubey

ભોજપુરી સિનેમાની સુપરહિટ અભિનેત્રી આમ્રપાલી દુબે આજે તેનો 31મો જન્મદિવસ ઉજવી રહી છે. ઘણીવાર લોકો તેને 'નિરહુઆ' એટલે કે દિનેશ લાલ યાદવની પત્ની કહે છે. શું તમે જાણો છો શું છે વાસ્તવિકતા?

આમ્રપાલી દુબેનો જન્મ 11 જાન્યુઆરી 1992ના રોજ ઉત્તર પ્રદેશના ગોરખપુર જિલ્લામાં થયો હતો. થોડા સમય પછી તેમના દાદા મુંબઈ શિફ્ટ થઈ ગયા. આ પછી આમ્રપાલીનો અભ્યાસ મુંબઈમાં જ થયો હતો.

આમ્રપાલીએ ફિલ્મો પહેલા ટીવી સિરિયલોથી એક્ટિંગ કરિયરની શરૂઆત કરી હતી.આમ્રપાલી પહેલીવાર સીરિયલ 'રહેના હૈ તેરી પલકોને કી છાંવ'માં જોવા મળી હતી. આ સિરિયલમાં તેણે સુમનનું પાત્ર ભજવ્યું હતું.

આમ્રપાલીનું કહેવું છે કે તે સિરિયલમાં કામ કરીને ખુશ હતી, પરંતુ તેની દાદીને મજા ન આવી. દાદીની ઈચ્છાને કારણે તેણે ભોજપુરી સિનેમામાં પ્રવેશ કર્યો.

અનેક સિરિયલોમાં કામ કર્યા બાદ આમ્રપાલીએ ભોજપુરી સિનેમા તરફ વળ્યા. તે પહેલીવાર 2014માં આવેલી ફિલ્મ નિરહુઆ હિન્દુસ્તાનીમાં જોવા મળી હતી.

આ ફિલ્મમાં તેણે દિનેશ લાલ યાદવ એટલે કે નિરહુઆ સાથે જોડી બનાવી હતી. આ પછી આમ્રપાલીએ પાછું વળીને જોયું નથી.નિરહુઆ હિન્દુસ્તાનીમાં આમ્રપાલી અને દિનેશ લાલ યાદવની જોડી એટલી હિટ થઈ કે લોકો તેમને ખૂબ પસંદ કરવા લાગ્યા. આ જોડી હજુ પણ ભોજપુરી સિનેમાની સૌથી ફેવરિટ જોડીની યાદીમાં સામેલ છે.

સતત ઘણી ફિલ્મોમાં સાથે કામ કરવાને કારણે નિરહુઆ અને આમ્રપાલીના અફેરના સમાચારો પણ ચર્ચામાં આવ્યા હતા, પરંતુ આ વાસ્તવિકતા નથી.દિનેશ લાલ યાદવની અસલી પત્નીનું નામ મનશા દેવી છે. દિનેશ લાલ યાદવ ભોજપુરી સિનેમામાં આવતા પહેલા જ પરિણીત હતા. આમ્રપાલીએ હજુ સુધી લગ્ન કર્યા નથી.