પ્રોડ્યુસરે માંગી હતી સેક્સ્યુઅલ ફેવર, ટીવીની આ એક્ટ્રેસે કર્યો ચોંકાવનારો ખુલાસો

shivya pathania

સિરિયલ ‘બાલ શિવ’માં પાર્વતીનું પાત્ર ભજવી રહેલી અભિનેત્રી શિવ્યા પઠાનિયા પોતાના જોરદાર અભિનયથી લોકોના દિલ જીતી રહી છે. પોતાના એક ઈન્ટરવ્યુમાં શિવ્યાએ ચોંકાવનારો ખુલાસો કર્યો છે. એક્ટ્રેસે ખુલાસો કરતા જણાવ્યું હતું કે એક ફેક પ્રોડ્યુસરે તેને કામ આપવા માટે સેક્સુઅલ ફેવરની માંગણી કરી હતી.

હમસફર શો બંધ થયા પછી શિવ્યા પાસે 8 મહિના સુધી કોઈ કામ નહોતું. આ તેના જીવનનો સૌથી ખરાબ તબક્કો હતો. આ દરમિયાન તેને ઓડિશન માટે ફોન આવ્યો. પછી આ ઓડિશનમાં શિવ્યા સાથે જે થયું તે તેને ચોંકાવનારું છે.

હિન્દુસ્તાન ટાઈમ્સને આપેલા ઈન્ટરવ્યુમાં શિવ્યાએ કહ્યું- મને મુંબઈના સાંતાક્રુઝમાં ઓડિશન માટે બોલાવવામાં આવી હતી. હું રૂમમાં પ્રવેશી તો ત્યા હાજર વ્યક્તિએ (જે પોતાને નિર્માતા ગણાવી રહ્યો હતો) મને કહ્યું કે જો તમે આ જાહેરાત કોઈ મોટી સેલિબ્રિટી સાથે કરવા માંગો છો, તો તમારે સમાધાન કરવું પડશે.

મજાની વાત એ છે જે હું ક્યારેય ભૂલી શકતી નથી તે એ છે કે તેના લેપટોપમાં હનુમાન ચાલીસા ચાલી રહી હતી. હું હસવા લાગી, મેં તેને કહ્યું- તને શરમ નથી આવતી? તમે ભજન સાંભળી રહ્યા છો અને શું કહી રહ્યા છો? ઘણા વર્ષો પછી શિવ્યાને ખબર પડી કે જે વ્યક્તિ પોતાને પ્રોડ્યુસર કહેતો હતો તે નકલી હતો. શિવ્યાએ ઈન્ડસ્ટ્રીના તેના મિત્રોને તેનાથી દૂર રહેવા કહ્યું હતું. બધાને કહ્યું કે એ લોકોએ એ વ્યક્તિની જાળમાં ફસાવું જોઇએ નહીં.

શિવ્યાના કરિયરની વાત કરીએ તો તે ઘણા ટીવી શોમાં જોવા મળી છે. જેમાં ‘એક રિશ્તા સાજેદારી કા’, ‘યે હૈ આશિકી’, ‘રાધા કૃષ્ણ’, ‘લાલ ઇશ્ક’, ‘વિક્રમ બેતાલ’, ‘રામ સિયા કે લવ કુશ’ જેવા શોનો સમાવેશ થાય છે.

શિવ્યાના ઇન્સ્ટાગ્રામ પર 330 હજાર ફોલોઅર્સ છે. શિવ્યાની સોશિયલ મીડિયા પર જોરદાર ફેન ફોલોઈંગ છે. તે મ્યુઝિક વીડિયો ‘ફિદા’માં પણ જોવા મળી છે. આ ગીતમાં શિવ્યા ચાહકોને ખૂબ જ પસંદ આવી હતી.

તમામ તસવીરો ઇન્સ્ટાગ્રામ પરથી લેવામાં આવી છે.