27 કરોડમાં વેચાયેલા ઋષભ પંતને નહીં મળે પૂરી રકમ ? જાણો ટેક્સમાં કેટલા કપાશે પૈસા 

ઋષભ પંતને IPL 2025  મેગા ઓક્શનમાં લખનૌ સુપર જાયન્ટ્સે 27 કરોડ રૂપિયાની કિંમતમાં ખરીદ્યો હતો.

ઋષભ પંત

Source : ઈન્સ્ટાગ્રામ

Rishabh Pant IPL 2025 Salary Tax Deduction: ઋષભ પંતને IPL 2025  મેગા ઓક્શનમાં લખનૌ સુપર જાયન્ટ્સે 27 કરોડ રૂપિયાની કિંમતમાં ખરીદ્યો હતો. પંત IPLના ઈતિહાસમાં સૌથી મોંઘો ખેલાડી બની ગયો છે. પરંતુ શું તમે જાણો છો કે પંતને IPLની સેલરીના 27 કરોડ રૂપિયા નહીં મળે. તેના પગારનો મોટો હિસ્સો ટેક્સ તરીકે કાપવામાં આવશે. તો ચાલો જાણીએ કે ટેક્સ બાદ કર્યા બાદ પંતને 27 કરોડ રૂપિયામાંથી કેટલો પગાર મળશે.

અહેવાલો અનુસાર, પંતે સરકારને ટેક્સ તરીકે રૂ. 8.1 કરોડ ચૂકવવા પડશે, ત્યારબાદ રૂ. 27 કરોડમાંથી તેને માત્ર રૂ. 18.9 કરોડ જ IPL પગાર તરીકે મળશે.

The 🔝 FIVE buys of #TATAIPLAuction 2025 were the Indian stars 😎✨

Which player do you reckon will make the biggest impact in #TATAIPL 2025? 🤔 pic.twitter.com/FpekDZrkrX

— IndianPremierLeague (@IPL) November 26, 2024

ઈજા થાય તો પણ પૈસા મળશે?

જો IPL 2025 પહેલા કોઈપણ ખેલાડી ઈજાગ્રસ્ત થાય છે, તો ટીમ તેના સ્થાને અન્ય ખેલાડીને સામેલ કરી શકે છે.  જો કોઈ ભારતીય ખેલાડી ટીમ ઈન્ડિયા માટે રમતી વખતે ઈજાગ્રસ્ત થાય છે, તો તેને તેનો સંપૂર્ણ પગાર મળશે કારણ કે BCCI ભારતીય ખેલાડીઓને વીમો આપે છે.

ઋષભ પંત ઓસ્ટ્રેલિયામાં  છે

આ દિવસોમાં પંત બોર્ડર-ગાવસ્કર ટ્રોફી માટે ટીમ સાથે ઓસ્ટ્રેલિયામાં હાજર છે. ટીમ ઈન્ડિયાએ શ્રેણીની પ્રથમ મેચ જીતી લીધી છે. હવે શ્રેણીની બીજી ટેસ્ટ 06 ડિસેમ્બરથી એડિલેડના ઓવલમાં રમાશે.

ઋષભ પંતની આઈપીએલ કારકિર્દી

ઋષભ પંતે તેની IPL કરિયરમાં અત્યાર સુધી 111 મેચ રમી છે. આ મેચોની 110 ઇનિંગ્સમાં તેણે 35.31ની એવરેજ અને 148.93ની સ્ટ્રાઇક રેટથી 3284 રન બનાવ્યા છે. આ સમયગાળા દરમિયાન, તેણે 1 સદી અને 18 અડધી સદી ફટકારી છે, જેમાં હાઈ સ્કોર 128* રન છે. પંતે 2016માં IPLમાં ડેબ્યૂ કર્યું હતું. તે 2016 થી 2024 દરમિયાન માત્ર એક જ ટીમ દિલ્હી કેપિટલ્સ માટે રમ્યો હતો. હવે પહેલીવાર પંત 2025માં લખનૌ સુપર જાયન્ટ્સ દ્વારા બીજી ટીમ માટે IPL રમતા જોવા મળશે. 

આઈપીએલની 2025 સીઝન પહેલા સાઉદી અરેબિયાના જેદ્દાહમાં બે દિવસીય મેગા હરાજી સમાપ્ત થઈ ગઇ છે.  ભારતના વિકેટકીપર-બેટ્સમેન ઋષભ પંત ઇન્ડિયન પ્રીમિયર લીગમાં પ્રથમ દિવસે ડિફેન્ડિંગ ચેમ્પિયન KKRના કેપ્ટન શ્રેયસ ઐય્યરને પાછળ છોડીને સૌથી મોંઘો ખેલાડી બન્યો હતો.