Vikram Gokhle Death:હિન્દી અને મરાઠી સિનેમાના દિગ્ગજ એક્ટર વિક્રમ ગોખલે દુનિયાને કહ્યું અલવિદા, 26 વર્ષની ઉંમરે કર્યું હતું ડેબ્યૂ

Vikram Gokhle Death: બોલિવૂડ એક્ટર વિક્રમ ગોખલેનું નિધન થયું છે. તેઓ છેલ્લા ઘણા દિવસોથી બીમાર હતા. તે જ સમયે, અભિનેતાના મૃત્યુને કારણે, સેલેબ્સ અને તમામ ચાહકોમાં શોકનું મોજું ફરી વળ્યું છે.

વિક્રમ ગોખલે

હિન્દી અને મરાઠી સિનેમાના દિગ્ગજ અભિનેતા વિક્રમ ગોખલેનું નિધન થયું છે. તેઓ 5 નવેમ્બરથી પુણેની પંડિત દીનાનાથ મંગેશકર હોસ્પિટલમાં દાખલ હતા. તેમના શરીરના ઘણા ઓર્ગન કામ કરવાનું બંધ થઇ ગયા હતા. બાદ તેને ને ICUમાં વેન્ટિલેટર પર રાખવામાં આવ્યા હતા.

વિક્રમ ગોખલેએ 26 વર્ષની ઉંમરે 1971માં અમિતાભ બચ્ચન અભિનીત ફિલ્મ પરવાનાથી ફિલ્મ ઉદ્યોગમાં પોતાની કારકિર્દીની શરૂઆત કરી હતી. ગોખલેએ ઘણી મરાઠી અને બોલિવૂડ ફિલ્મોમાં અભિનય કર્યો છે,

જેમાં 1990ની અમિતાભ બચ્ચન અભિનીત ફિલ્મ અગ્નિપથ અને 1999ની ફિલ્મ હમ દિલ દે ચૂકે સનમ પણ જોવા મળ્યાં હતા. 2010માં શ્રેષ્ઠ અભિનેતાનો રાષ્ટ્રીય પુરસ્કાર પાપ્ત કર્યો હતો.

2010 માં, મરાઠી ફિલ્મ 'અનુમતિ' માં તેના શાનદાર અભિનય માટે 2010 માં તેને શ્રેષ્ઠ અભિનેતાનો રાષ્ટ્રીય પુરસ્કાર મળ્યો. તેણે મરાઠી ફિલ્મ 'આઘાત'થી દિગ્દર્શક તરીકેની શરૂઆત કરી હતી.

વિક્રમ ગોખલે છેલ્લે અભિમન્યુ દાસાની અને શિલ્પા શેટ્ટી અભિનીત ફિલ્મ 'નિકમ્મા'માં જોવા મળ્યા હતા, જે આ વર્ષે જૂનમાં સિનેમાઘરોમાં રિલીઝ થઈ હતી.