Gujarat Rain: રાજ્યમાં બે સિસ્ટમ થઈ સક્રિય, અમદાવાદ સહિત સમગ્ર રાજ્યમાં વરસાદ ભુક્કા બોલાવશે

Gujarat Monsoon: સૌરાષ્ટ્ર અને દક્ષિણ ગુજરાત પર મેઘરાજા મહેરબાન થયા છે. આ બંને સ્થળોએ હાલ ભારે વરસાદ પડી રહ્યો છે.

હવામાન વિભાગ દ્વારા રાજ્યમાં બે સિસ્ટમ સક્રિય હોવાના કારણે વરસાદની આગાહી કરવામાં આવી છે.

હવામાન વિભાગ દ્વારા રાજ્યમાં આગામી 7 દિવસ વરસાદની આગાહી કરવામાં આવી છે. આજે ભરૂચ, સુરત, નવસારી, વલસાડ, દમણ, દાદરા નગર હવેલી, રાજકોટ, જામનગર, પોરબંદર, જુનાગઢ, ભાવનગર, દ્વારકા, ગીર સોમનાથમાં રેડ એલર્ટ છે.

23મી જુલાઇએ જૂનાગઢ, ગીર સોમનાથ, અમરેલી, ભાવનગર, બોટાદ, દાહોદ, પંચમહાલ, વડોદરા, છોટાઉદેપુર, ભરૂચ, નર્મદા, સુરત, તાપી, નવસારી, ડાંગ અને વલસાડમાં ઓરેન્જ એલર્ટ છે. જ્યારે રાજકોટ, સુરેન્દ્રનગર, અમદાવાદ, આણંદ, ખેડા, ગાંધીનગર, અરવલ્લી, મહીસાગરમાં યલો એલર્ટ છે.