Bhavnagar Rain: ભાવનગરના જેસરમાં આભ ફાટ્યું, 9 ઈંચ વરસાદ ખાબક્યો, જુઓ તસવીરો

Bhavnagar Rain: ભાવનગરના જેસરમાં આભ ફાટ્યું, 9 ઈંચ વરસાદ ખાબક્યો, જુઓ તસવીરો

જેસરમાં આભ ફાટ્યું

ભાવનગર: હવામાન વિભાગની આગાહી વચ્ચે આજે વહેલી સવારથી જ ભાવનગર જિલ્લામાં મેઘરાજા મહેરબાન થયા છે. ભાવનગર જિલ્લાના જેસર તાલુકાને મેઘરાજાએ ધમરોળિયું છે. જેસર તાલુકામાં સવારે 6:00 થી બપોરના 12 વાગ્યા સુધીમાં નવ ઇંચ વરસાદ નોંધાયો છે.

સીઝનના પ્રથમ વરસાદની જોરદાર એન્ટ્રી થતા જેસર તાલુકાના ગામડાઓમાં અનેક જગ્યાએ પાણી ભરાયા છે. આજે વહેલી સવારથી જ જેસરમાં ભારે પવન સાથે વરસાદ વરસી રહ્યો છે.

જેસર તાલુકાના શાન્તીનગર, તાતણીયા, ઈટીયા, કરલા, સરેરા, કોટામોઈ, બિલા, અયાવેજ, રાણપડા, છાપરીયાળી અને દેપલા સહિતના ગામડાઓમાં ધોધમાર વરસાદ ખાબક્યો છે.

ભાવનગર જિલ્લામાં મેઘરાજાએ ધમાકેદાર બેટિંગ કરી છે. જેસર તાલુકાના ગ્રામ્ય પંથકમાં વહેલી સવારથી જ વરસાદી વાતાવરણ છે. ભારે વરસાદના કારણે જેસર તાલુકાના મુખ્ય બજારમાં પાણી વહી રહ્યા છે.

તાલુકાના રાણીગામ, દેપલા, દેવેન્દ્રનગર, શાંતિનગર બિલ્લા સહિતના ગામડાઓમાં ધોધમાર વરસાદ વરસ્યો છે. જેસર તાલુકામાં વહેલી સવારથી અત્યાર સુધીમાં 9 ઇંચ વરસાદ વરસ્યો છે.

હવામાન વિભાગ દ્વારા આજે ભાવનગર જિલ્લામાં ભારે વરસાદની આગાહી કરવામાં આવી છે.