BoB Mega E-Auction: આ તહેવારોની સિઝનમાં બેંક ઓફ બરોડા સસ્તામાં વેચી રહ્યું છે પ્રોપર્ટી! જાણો વિગતે

Bank of Baroda: દેશની ઘણી સરકારી બેંકો સમયાંતરે અનેક પ્રકારની પ્રોપર્ટીની હરાજી કરતી રહે છે. આ ઈ-ઓક્શનમાં, બેંક એવી મિલકતો વેચે છે કે જેના માલિકોએ બેંકની લોન ચૂકવી નથી.

પ્રતિકાત્મક તસવીર

Bank of Baroda e-Auction: તહેવારોની સિઝન શરૂ થતાની સાથે જ લોકો જોરદાર ખરીદી કરી રહ્યા છે. લોકો ધનતેરસ અને દિવાળી દરમિયાન કાર અને પ્રોપર્ટી ખરીદવાનું પસંદ કરે છે. નાનું ઘર હોય તે દરેક વ્યક્તિનું સપનું હોય છે. જો તમે પણ તમારું આ સપનું પૂરું કરવા માંગતા હો, તો બેંક ઓફ બરોડા તમારા માટે પોસાય તેવી પ્રોપર્ટી ખરીદવાની ખાસ તક લઈને આવ્યું છે.

જો તમે દિવાળીમાં ઘર ખરીદવાનું વિચારી રહ્યા છો તો આ તમારા માટે એક વિકલ્પ છે. તમને જણાવી દઈએ કે બેંક ઓફ બરોડા ઈ-ઓક્શનનું આયોજન કરવા જઈ રહી છે. દેશના વિવિધ ભાગો અને શહેરોની મિલકતોની હરાજી કરવામાં આવશે.

આ હરાજીમાં ભાગ લઈને તમે દેશના મોટા શહેરોમાં ખૂબ જ ઓછી કિંમતે પ્રોપર્ટી ખરીદી શકો છો. આ ઈ-ઓક્શનમાં બેંક ગ્રાહકોને કોમર્શિયલ, ઈન્ડસ્ટ્રીયલ, એગ્રીકલ્ચર, ફ્લેટ, જમીન અને મકાન ખરીદવાની સુવિધા આપી રહી છે.

બેંક ઓફ બરોડા દિવાળી પહેલા 18 ઓક્ટોબર 2022ના રોજ આ ઈ-ઓક્શનનું આયોજન કરવા જઈ રહી છે. આ હરાજીમાં તમે ઘણી સારી પ્રોપર્ટી ખૂબ જ ઓછા દરે ખરીદી શકો છો.

જો તમે પણ આ ઈ-ઓક્શનમાં ભાગ લેવા માંગતા હો, તો તેની ઓફિશિયલ લિંક bit.ly/MegaEAuctionOctober ની મુલાકાત લો. આ લિંક પર તમને હરાજી સંબંધિત તમામ માહિતી મળશે.

તમને જણાવી દઈએ કે દેશની ઘણી સરકારી બેંકો સમયાંતરે અનેક પ્રકારની પ્રોપર્ટીની હરાજી કરતી રહે છે. આ ઈ-ઓક્શનમાં, બેંક એવી મિલકતો વેચે છે કે જેના માલિકોએ બેંકની લોન ચૂકવી નથી. મિલકત વેચતા પહેલા, બેંક માલિકોને નોટિસ આપે છે અને જો તેઓ પૈસા ચૂકવવામાં સક્ષમ ન હોય, તો બેંક મિલકત વેચીને તેમના નાણાં વસૂલ કરે છે.