Government Scheme: ખૂબ કામની છે આ સ્કીમ, સરકાર ઉઠાવે છે પુત્રીના જન્મથી અભ્યાસ સુધીનો તમામ ખર્ચ

Balika Samridhi Yojana: કેન્દ્ર સરકાર મહિલાઓને આત્મનિર્ભર બનાવવા માટે વિવિધ યોજનાઓ લાવતી રહે છે. આજે અમે તમને આવી જ એક સરકારી યોજના વિશે જણાવી રહ્યા છીએ.

ફાઈલ તસવીર

અમે તમને બાલિકા સમૃદ્ધિ યોજના વિશે માહિતી આપવા જઈ રહ્યા છીએ. આ યોજના વર્ષ 1997માં મહિલા અને બાળ વિકાસ મંત્રાલય દ્વારા શરૂ કરવામાં આવી હતી.

આ યોજના ખાસ કરીને ગરીબી રેખા નીચે જીવતી દીકરીઓ માટે શરૂ કરવામાં આવી છે. આ યોજના હેઠળ કેન્દ્ર સરકાર છોકરીઓને આર્થિક મદદ કરે છે.

આ યોજના હેઠળ કેન્દ્ર સરકાર દીકરીના જન્મ પર 500 રૂપિયાની આર્થિક સહાય આપે છે. આ સિવાય કન્યાના ધોરણ 10 સુધીના શિક્ષણ માટે અનેક પ્રકારની આર્થિક સહાય આપવામાં આવે છે. બાળકીને ધોરણ 1 થી 3 સુધી દર વર્ષે 300 રૂપિયા, વર્ગ 4 માં 500 રૂપિયા, 5 માં ધોરણમાં 600 રૂપિયા, ધોરણ 6 થી 7 માં રૂપિયા 700, ધોરણ 8 માં રૂપિયા 800 અને ધોરણ 9 અને 10માં રૂપિયા 1000 ની વાર્ષિક આર્થિક સહાય મળે છે. 2

આ યોજના હેઠળ શહેરી અને ગ્રામ્ય વિસ્તારના બીપીએલ પરિવારો આ યોજનાનો લાભ મેળવી શકશે.

આ યોજનાનો લાભ મેળવવા માટે, તમારે બાળકીનું જન્મ પ્રમાણપત્ર, માતા-પિતાનું રેશન કાર્ડ, આધાર કાર્ડ અને બેંક એકાઉન્ટ જેવી વસ્તુઓની જરૂર પડશે.

આ સ્કીમમાં તમે ઓનલાઈન અને ઓફલાઈન બંને રીતે અરજી કરી શકો છો. ઑફલાઇન અરજી માટે, આંગણવાડી કાર્યકરો અને આરોગ્ય કેન્દ્રો પર જવું પડશે.