ગુજરાતમાં આગામી પાંચ દિવસ ભારેથી અતિભારે વરસાદની આગાહી, આ જિલ્લામાં છોતરા કાઢી નાંખશે

Gujarat Rain Alert: હવામાન વિભાગે ગુજરાત રાજ્યમાં આગામી પાંચ દિવસ દરમિયાન ભારે વરસાદની આગાહી કરી છે.

Gujarat Rain Forecast: લો પ્રેશર સિસ્ટમ સક્રિય થવાને કારણે રાજ્યના વિવિધ ભાગોમાં વરસાદની શક્યતા વ્યક્ત કરવામાં આવી છે.

વિભાગના જણાવ્યા અનુસાર, દક્ષિણ ગુજરાત, ઉત્તર ગુજરાત અને પૂર્વ મધ્ય ગુજરાતમાં ભારેથી અતિભારે વરસાદની આગાહી કરવામાં આવી છે.

ખાસ કરીને આજે અમદાવાદ અને ગાંધીનગરમાં ભારે વરસાદની સંભાવના વ્યક્ત કરવામાં આવી છે.

સૌરાષ્ટ્ર વિસ્તારમાં આગામી 48 કલાક બાદ વરસાદનું જોર વધવાની શક્યતા છે.

હવામાન વિભાગના અનુમાન મુજબ, 24થી 28 ઓગસ્ટ દરમિયાન સૌરાષ્ટ્રમાં ભારેથી અતિભારે વરસાદ પડી શકે છે.

આ પરિસ્થિતિને ધ્યાનમાં રાખીને, સ્થાનિક વહીવટી તંત્ર અને આપત્તિ વ્યવસ્થાપન વિભાગને સતર્ક રહેવા સૂચના આપવામાં આવી છે.

નાગરિકોને પણ સાવચેતી રાખવા અને હવામાન વિભાગની સૂચનાઓનું પાલન કરવા અપીલ કરવામાં આવી છે.