ગુજરાતમાં વધુ 7 દિવસ વરસાદની આગાહી: કચ્છ-સૌરાષ્ટ્રમાં ભારે વરસાદનું એલર્ટ; કાલે સાત જિલ્લામાં ભુક્કા બોલાવશે

Gujarat Rain Alert: ખંભાતના અખાત નજીક વેલમાર્ક લો પ્રેશર સક્રિય થવાને કારણે ગુજરાતમાં આગામી સાત દિવસ સુધી હળવાથી મધ્યમ વરસાદી માહોલ રહેવાની શક્યતા છે.

Gujarat Rain: હવામાન વિભાગ દ્વારા ખાસ કરીને કચ્છ અને સૌરાષ્ટ્ર માટે આગામી ત્રણ દિવસ દરમિયાન ભારે વરસાદની આગાહી કરવામાં આવી છે. હવામાન વિભાગે રાજ્યના તમામ બંદરો પર LCS-3 નંબરનું સિગ્નલ લગાવી દીધું છે અને માછીમારોને ચાર દિવસ સુધી દરિયો ન ખેડવાની સ્પષ્ટ સૂચના આપી છે.

Rain Alert: અમદાવાદમાં પણ ગાજવીજ સાથે હળવોથી મધ્યમ વરસાદ વરસી શકે છે. આવતીકાલે સૌરાષ્ટ્રના 6 જિલ્લા અને કચ્છ સહિત 7 જિલ્લામાં યલો એલર્ટ જાહેર કરવામાં આવ્યું છે, જેમાં સંઘ પ્રદેશ દીવનો પણ સમાવેશ થાય છે.

હવામાન વિભાગના જણાવ્યા અનુસાર, ખંભાતના અખાત નજીક વેલમાર્ક લો પ્રેશર સક્રિય થયું છે, જેણે ગુજરાતના વાતાવરણમાં મોટો ફેરફાર લાવ્યો છે. દરિયાકાંઠાની આગાહી: સિસ્ટમની મજબૂતીના કારણે રાજ્યના તમામ બંદરો પર LCS-3 નંબરનું સિગ્નલ લગાવી દેવાયું છે, જેનો અર્થ છે કે માછીમારોને આગામી ચાર દિવસ માટે દરિયો ન ખેડવા સ્પષ્ટપણે સૂચના આપવામાં આવી છે. વરસાદનો સમયગાળો: આ સિસ્ટમની અસરને કારણે રાજ્યમાં હજી સાત દિવસ સુધી હળવાથી મધ્યમ વરસાદ ચાલુ રહેવાનું અનુમાન છે.