Bagasara Rain: બગસરના ગ્રામ્ય વિસ્તારોમાં ધોધમાર વરસાદ: નદીમાં આવ્યું ઘોડાપુર

Heavy rain Bagsar villages: અમરેલી જિલ્લાના બગસર તાલુકામાં આજે સવારથી ધોધમાર વરસાદ નોંધાયો છે.

તાલુકાના અનેક ગામોમાં ભારે વરસાદને કારણે જનજીવન અસ્તવ્યસ્ત થઈ ગયું છે.

સૌથી વધુ અસરગ્રસ્ત વિસ્તારોમાં સુડાવડ, સાપર, ભલગામ અને સંગીત ગામોનો સમાવેશ થાય છે.

આ ગામોમાં સતત ધોધમાર વરસાદને કારણે નીચાણવાળા વિસ્તારોમાં પાણી ભરાઈ ગયા છે.

વરસાદની આ સ્થિતિને કારણે સુડાવડી નદીમાં ઘોડાપૂર આવ્યું છે.

નદીના પાણીનું સ્તર ઝડપથી વધી રહ્યું છે, જેના કારણે આસપાસના વિસ્તારોમાં પૂરની સ્થિતિ સર્જાઈ છે. આ ઉપરાંત, સાપર ગામની નજીકથી વહેતી નદીમાં પણ પાણીનું સ્તર વધ્યું છે અને ઘોડાપૂર આવ્યું છે.

આ અસામાન્ય સ્થિતિને નિહાળવા માટે સ્થાનિક રહેવાસીઓ સુડાવડી નદીના કિનારે એકત્રિત થયા છે.

લોકો નદીના વધતા જતા પાણીને જોઈ રહ્યા છે અને સાવચેતીના પગલાં લઈ રહ્યા છે.