Anand Rain: આણંદ શહેરમાં મુશળધાર વરસાદ, નીચાણવાળા વિસ્તારોમાં ભરાયા પાણી

Anand Rain: આણંદ શહેરમાં મુશળધાર વરસાદ, નીચાણવાળા વિસ્તારોમાં ભરાયા પાણી

આણંદ શહેરમાં મુશળધાર વરસાદ

આણંદ: આણંદ શહેરમાં મેઘરાજા મન મૂકીને વરસ્યા છે. આજે વહેલી સવારથી જ કાળા ડીબાંગ વાદળો વચ્ચે વરસાદી માહોલ જામ્યો છે. આણંદ શહેરમાં મેઘરાજા મહેરબાન થયા છે.

મુશળધાર વરસાદના કારણે આણંદ શહેરના નીચાણવાળા વિસ્તારોમાં પાણી ભરાયા હતા. આણંદ શહેરની સાથે-સાથે ગ્રામ્ય વિસ્તારોમાં પણ ધોધમાર વરસાદ વરસ્યો છે.

ગ્રામ્ય પંથકમાં વઘાસી, મોગર, બાકરોલ, કરમસદ અને ચિખોદરામાં વરસાદી માહોલ જામ્યો છે. લાંબા સમયના વિરામ બાદ આણંદ જિલ્લામાં વરસાદની ધમાકેદાર એન્ટ્રી થઈ છે.

આણંદ શહેરના અનેક રસ્તાઓ પર વરસાદને લઈ પાણી ભરાયા છે. વાહન ચાલકો પણ વરસાદી પાણીમાં વાહનો ચલાવવા મજબૂર બન્યા છે.

આણંદ શહેરના 100 ફૂટ રોડ ઉપર વરસાદી પાણી ફરી વળ્યા છે. અમદાવાદ-બરોડા હાઇવે ઉપર પણ વરસાદ વરસી રહ્યો છે.

હવામાન વિભાગ દ્વારા પણ આણંદ અને ખેડા જિલ્લામાં મધ્યમથી લઈને હળવા વરસાદની આગાહી કરવામાં આવી હતી. હવામાનની આગાહી વચ્ચે વરસાદી માહોલ જામ્યો છે.