Gujarat Rain: આગામી 7 દિવસ ગુજરાતમાં ભારે વરસાદની આગાહી, આજે દેવભૂમિ દ્વારકામાં રેડ એલર્ટ

આગામી 7 દિવસ ગુજરાતમાં ભારે વરસાદની આગાહી હવામાન વિભાગ દ્વારા કરવામાં આવી છે. આજે દેવભૂમિ દ્વારકામાં રેડ એલર્ટ આપવામાં આવ્યું છે.

પ્રતિકાત્મક તસવીર

અમદાવાદ: આગામી સાત દિવસ રાજ્યમાં હળવાથી મધ્યમ વરસાદની આગાહી હવામાન વિભાગે વ્યક્ત કરી છે. હવામાન વિભાગ મુજબ આજે દેવભૂમિ દ્વારકા જિલ્લામાં વરસાદનું રેડ એલર્ટ જાહેર કરવામાં આવ્યું છે. જ્યારે સૌરાષ્ટ્ર, દક્ષિણ ગુજરાત અને ઉત્તર ગુજરાતના 10 જિલ્લા અને બે સંઘ પ્રદેશ દમણ અને દાદરાનગર હવેલી વરસાદનું ઓરેન્જ એલર્ટ છે.

જ્યારે 21 જિલ્લામાં વરસાદનું યલો એલર્ટ જાહેર કરવામાં આવ્યું છે. આવતીકાલની પણ રાજ્યના 20 જિલ્લામાં વરસાદનું યલો એલર્ટ જાહેર કરવામાં આવ્યું છે. જેમાં કચ્છની સાથે સૌરાષ્ટ્રના દ્વારકા, પોરબંદર, જૂનાગઢ,જામનગર, રાજકોટ, મોરબી અને સુરેન્દ્રનગરમાં વરસાદનું યલો એલર્ટ આપવામાં આવ્યું છે.