ગુજરાતમાં ફરી અતિભારે વરસાદની આગાહી: આવતીકાલે રાજ્યના 20 જિલ્લામાં ધમધોકાર વરસાદ ખાબકશે, તંત્ર એલર્ટ પર

Gujarat Rain Alert: હવામાન વિભાગે ભાવનગર, દાહોદ અને છોટાઉદેપુરમાં ઓરેન્જ એલર્ટ આપ્યું છે તો 17 જિલ્લાઓમાં યલો એલર્ટ જારી; સૌરાષ્ટ્ર, ઉત્તર અને દક્ષિણ ગુજરાતના મોટાભાગના વિસ્તારોમાં વરસાદની શક્યતા.

Tomorrow Rain Alert: હવામાન વિભાગ દ્વારા આવતીકાલે, ૨૬મી ઓગસ્ટના રોજ ગુજરાતના કેટલાક વિસ્તારોમાં ભારેથી અતિભારે વરસાદની આગાહી કરવામાં આવી છે.

Gujarat Rain Alert: રાજ્યના ત્રણ જિલ્લાઓ - ભાવનગર, દાહોદ અને છોટા ઉદેપુરમાં ભારે વરસાદની સંભાવનાને પગલે ઓરેન્જ એલર્ટ જાહેર કરવામાં આવ્યું છે.

આ ઉપરાંત, ૧૭ જિલ્લાઓમાં છૂટાછવાયા સ્થળોએ ભારે વરસાદની શક્યતા હોવાથી યલો એલર્ટ આપવામાં આવ્યું છે. જેમાં બનાસકાંઠા, મહેસાણા, સાબરકાંઠા, અરવલ્લી, મહીસાગર, અમરેલી, ગીર સોમનાથ, દીવ, ગાંધીનગર, અમદાવાદ, પંચમહાલ, વડોદરા, નર્મદા, તાપી, ડાંગ, નવસારી, વલસાડ, દમણ અને દાદરા નગર હવેલીનો સમાવેશ થાય છે.