આવતીકાલે રાજ્યના 33 જિલ્લામાં વીજળીના કડાકા ભડાકા સાથે વરસાદ તૂટી પડશે, ‘યલો એલર્ટ’ જાહેર

હવામાન વિભાગની આગાહી અનુસાર રાજ્યના મોટાભાગના જિલ્લાઓમાં વરસાદ ભુક્કા બોલાવશે, આગાહી અનુસાર 30-40 કિમી/કલાકની ઝડપે પવન ફૂંકાશે.

Gujarat Rain Alert: હવામાન વિભાગની આગાહી અનુસાર, આવતીકાલે, 22 જુલાઈ, 2025 ના રોજ ગુજરાતના મોટાભાગના જિલ્લાઓમાં વરસાદી માહોલ જોવા મળશે. આ દિવસે વીજળીના કડાકા-ભડાકા અને 30-40 કિલોમીટર પ્રતિ કલાકની ઝડપે પવન ફૂંકાવાની શક્યતા છે.

Gujarat Rain Alert: રાજ્યના કુલ 33 થી વધુ જિલ્લાઓ - જેમાં બનાસકાંઠા, પાટણ, મહેસાણા, સાબરકાંઠા, ગાંધીનગર, અરવલ્લી, ખેડા, અમદાવાદ, આણંદ, પંચમહાલ, દાહોદ, મહીસાગર, વડોદરા, છોટાઉદેપુર, નર્મદા, ભરૂચ, સુરત, ડાંગ, તાપી, નવસારી, વલસાડ, દમણ, દાદરા અને નગર-હવેલી, સુરેન્દ્રનગર, રાજકોટ, જામનગર, પોરબંદર, જૂનાગઢ, અમરેલી, ભાવનગર, મોરબી, દ્વારકા, ગીર સોમનાથ, બોટાદ, કચ્છ અને દીવનો સમાવેશ થાય છે - માં હળવાથી મધ્યમ વરસાદ માટે યલો એલર્ટ જાહેર કરવામાં આવ્યું છે.

ગુજરાતમાં ચોમાસાનો માહોલ જામી રહ્યો છે, અને હવામાન વિભાગે આવતીકાલે, 22 જુલાઈ, 2025 ના રોજ, રાજ્યના અનેક વિસ્તારોમાં વરસાદની સંભાવના વ્યક્ત કરી છે. આ દિવસે વાતાવરણમાં વીજળીના ચમકારા જોવા મળશે અને કેટલાક સ્થળોએ 30 થી 40 કિલોમીટર પ્રતિ કલાકની ઝડપે પવન પણ ફૂંકાઈ શકે છે.