Weather Update: વરસાદ અને હિમવર્ષા ભુક્કા બોલાવી દેશે, ધુમ્મસથી મુશ્કેલી પડશે,જાણો લેટેસ્ટ હવામાન અપડેટ

Weather Update: હવામાન વિભાગે કહ્યું કે આગામી દિવસોમાં દેશના કેટલાક ભાગોમાં વરસાદ અને હિમવર્ષા થવાની સંભાવના છે. આ સિવાય બે-ત્રણ રાજ્યોમાં ગાઢ ધુમ્મસની શક્યતા છે.

વરસાદ અને હિમવર્ષા ભુક્કા બોલાવી દેશે, ધુમ્મસથી મુશ્કેલી પડશે

દિલ્હી સહિત ઉત્તર ભારતના ઘણા ભાગોમાં વરસાદ પડ્યો છે. હવામાન વિભાગે આગામી 24 કલાક દરમિયાન ઉત્તર-પશ્ચિમ ભારતમાં વરસાદની આગાહી કરી છે.

IMD અનુસાર, 2-3 ફેબ્રુઆરીએ સવારે પંજાબ, હરિયાણા-ચંદીગઢના કેટલાક ભાગોમાં ખૂબ ગાઢ ધુમ્મસની સંભાવના છે. 2 ફેબ્રુઆરીની સવારે ઉત્તર પ્રદેશના જુદા જુદા ભાગોમાં ગાઢથી ખૂબ ગાઢ ધુમ્મસની સંભાવના છે.

પશ્ચિમ રાજસ્થાનમાં 3 ફેબ્રુઆરીએ અને પૂર્વી રાજસ્થાનમાં 4 ફેબ્રુઆરીએ હળવા કરા પડવાની શક્યતા છે. 2 ફેબ્રુઆરીએ અરુણાચલ પ્રદેશમાં કેટલાક સ્થળોએ વરસાદ અથવા હિમવર્ષા થવાની સંભાવના છે.

હિમાચલ પ્રદેશ, ઉત્તરાખંડ, જમ્મુ અને કાશ્મીર, પંજાબ, હરિયાણા, ઉત્તર પ્રદેશ અને રાજસ્થાન અને મધ્ય પ્રદેશમાં એક-બે સ્થળોએ 3 ફેબ્રુઆરીથી 5 ફેબ્રુઆરી દરમિયાન સારો વરસાદ થઈ શકે છે.

હવામાન વિભાગના જણાવ્યા અનુસાર 2 ફેબ્રુઆરીએ પશ્ચિમ બંગાળ અને સિક્કિમમાં હળવા કરા પડવાની સંભાવના છે. વેસ્ટર્ન ડિસ્ટર્બન્સના કારણે રાજસ્થાનના જોધપુર, બકાનેર, જયપુર અને ભરતપુરમાં ગાજવીજ સાથે વરસાદની સંભાવના છે.