Weather Update Today: પહાડો પર હિમવર્ષાથી પડશે ઠંડી, આ રાજ્યોમાં ખાબકશે વરસાદ, જાણો IMDનું લેટેસ્ટ અપડેટ

હવામાન વિભાગનું કહેવું છે કે આજે એટલે કે 25મી ફેબ્રુઆરીએ આસામ, બિહાર, પશ્ચિમ બંગાળ, ઝારખંડ, ઓડિશા, તટીય આંધ્રપ્રદેશ અને દક્ષિણ છત્તીસગઢમાં હળવા વરસાદની સંભાવના છે.

ઉત્તર ભારત સહિત સમગ્ર દેશમાં હવામાન બદલાઈ રહ્યું છે.

હવામાન વિભાગે જણાવ્યું કે, જમ્મુ-કાશ્મીર, લદ્દાખ, ગિલગિટ-બાલ્ટિસ્તાનમાં વીજળીના ચમકારા સાથે વરસાદ અને હિમવર્ષા થવાની સંભાવના છે. આ સિવાય હિમાચલ પ્રદેશ અને ઉત્તરાખંડમાં પણ 26 અને 27 ફેબ્રુઆરીએ વરસાદ અને હિમવર્ષા થવાની સંભાવના છે.

રાજધાની દિલ્હીની વાત કરીએ તો હવામાન વિભાગે અનુમાન લગાવ્યું છે કે આજે એટલે કે રવિવારે (25 ફેબ્રુઆરી) દિવસ દરમિયાન આકાશ વાદળછાયું રહેશે અને કેટલાક વિસ્તારોમાં ઝરમર વરસાદ પડી શકે છે. આ સિવાય આવતીકાલે એટલે કે સોમવારે પણ વરસાદની સંભાવના છે, ત્યારબાદ તાપમાનમાં ઘટાડો થશે.