40 પેટી દારૂ સાથે પોલીસ કોન્સ્ટેબલ ઝડપાયો, બુટલેગર સાથે હતી મિત્રતા

પોલીસ વિભાગની નોકરી ઉપરાંત હરસીંગ પોતાના બુટલેગર મિત્ર વિજય માળી માટે દારૂની હેરાફેરી કરતો હોવાનો ખુલાસો થયો છે. પોલીસે બુટલેગર વિજય માળીની પણ ધરપકડ કરી છે. પોલીસે આરોપી કોન્સ્ટેબલ પાસેથી 1. 76 લાખનો વિદેશી દારૂ સાથે 1 લાખની પિકઅપ ગાડી મળી કુલ 2. 76 લાખનો મુદ્દામાલ ઝડપી પાડ્યો છે.

પીકઅપ વાનમાંથી નાની મોટી 900 ઈંગ્લીશ દારૂની બોટલ મળી આવી છે. આરોપી પોલીસકર્મી હરસીંગ રાઠવા પાદરાના વડું પોલીસ મથકમાં પોલીસ કોન્સ્ટેબલ તરીકે ફરજ બજાવે છે.

વાઘોડિયા પોલીસની તપાસમાં મહત્વની બાબત સામે આવી હતી કે ગાડીમાં દારૂની ખેપ મારતો કોઈ બુટલેગર નહી પરંતુ બુટલેગરનો મિત્ર હરસીંગ રાઠવા છે જે પોલીસકર્મી છે. પાદરા તાલુકાના વડુ પાસેનો બુટલેગર વિજય માળી સાથે પોલિસ કોન્સ્ટેબલ હરસીંગ ભાઈ રાઠવાને મિત્રતા હતી.

વડોદરા: વડોદરા પોલીસે દારૂની હેરાફેરી કરતા એક પોલીસ કોન્સ્ટેબલને 40 પેટી ભારતીય બનાવટની ઈંગ્લીશ દારૂની પેટી સાથે ઝડપી પાડ્યો છે. જિલ્લાની વાઘોડિયા પોલીસે તવરા પાસેથી હરસીંગ રાઠવા નામના પોલીસ કોન્સ્ટેબલને એક પીકઅપ વાન સાથે ઝડપી પાડ્યો છે.