AC નું બિલ જોઈ પરસેવો વળી ગયો ? આ સરળ ટીપ્સ અપનાવી દર મહિને મોટી બચત કરી શકો

હવામાન વિભાગે ઉત્તર ભારત સહિત દેશના ઘણા રાજ્યોમાં હીટવેવનું એલર્ટ જાહેર કર્યું છે. દેશના કેટલાક ભાગોમાં તાપમાન 47 ડિગ્રી સુધી પહોંચી ગયું છે.

તસવીર સોશિયલ મીડિયા

AC Power Saving Tips: હવામાન વિભાગે ઉત્તર ભારત સહિત દેશના ઘણા રાજ્યોમાં હીટવેવનું એલર્ટ જાહેર કર્યું છે. દેશના કેટલાક ભાગોમાં તાપમાન 47 ડિગ્રી સુધી પહોંચી ગયું છે. આવી સ્થિતિમાં AC બિલ તમારા ખિસ્સા પર ખૂબ જ ભાર આપવાનું છે, પરંતુ નીચે દર્શાવેલ કેટલીક ટીપ્સને અનુસરીને તમે તમારા AC બિલને નોંધપાત્ર રીતે ઘટાડી શકો છો.

મોટાભાગના લોકો રૂમને ઠંડુ રાખવા માટે તેને 16-18 ડિગ્રી પર સેટ કરે છે. પરંતુ તમને જણાવી દઈએ કે બ્યુરો ઓફ એનર્જી એફિશિયન્સી અનુસાર, મે-જૂન મહિનામાં AC 24-26 ડિગ્રી પર પણ ચલાવી શકાય છે. આ તમારા બિલમાં 6 ટકા સુધીનો ઘટાડો કરી શકે છે.

એસી ચલાવતા પહેલા રૂમમાં પંખો ચલાવવો જોઈએ. આને કારણે, ઠંડી હવા ઓરડાના દરેક ખૂણામાં સમાન રીતે પહોંચે છે અને રૂમને ઝડપથી ઠંડો કરે છે.

જો તમે ઈચ્છો છો કે એસી રૂમ લાંબા સમય સુધી ઠંડો રહે તો તમારે બધી બારી-બારણા બંધ રાખવા જોઈએ. જો ઠંડી હવા નીકળી રહી છે, તો તમારા ACને વધુ મહેનત કરવી પડશે.

ધૂળથી બચવા અને ઠંડી હવા આપવા માટે એસીમાં ફિલ્ટર લગાવવામાં આવ્યું છે. આ ફિલ્ટરને સમય સમય પર સાફ કરવું જોઈએ. જો આ ફિલ્ટર ગંદુ રહે છે, તો રૂમને ઠંડુ કરવા માટે ACને વધુ લોડ લેવો પડશે, જેના કારણે તમારું વીજળીનું બિલ પણ વધુ આવશે.

જો તમે AC થી થતા ખર્ચને ઓછો કરવા માંગો છો, તો સૌથી પહેલા જ્યારે ACના ઉપયોગની જરુર ન હોય ત્યારે તેને બંધ કરો. આખી રાત સતત AC ચલાવવાને બદલે થોડા સમય માટે ટાઈમર સેટ કરવું વધુ સારું છે.