Androidના કરોડો યુઝર્સ ખતરામાં, હાઇ રિસ્ક પર છે આ પાંચ OS વર્ઝન ધરાવતા ડિવાઇસ

લાખો એન્ડ્રોઇડ યુઝર્સ પર એક મોટો ખતરો મંડરાઈ રહ્યો છે. ભારત સરકારની સાયબર સુરક્ષા એજન્સી CERT-In એ એન્ડ્રોઇડ યુઝર્સ માટે એક એડવાઇઝરી જાહેર કરી છે.

પ્રતિકાત્મક તસવીર

લાખો એન્ડ્રોઇડ યુઝર્સ પર એક મોટો ખતરો મંડરાઈ રહ્યો છે. ભારત સરકારની સાયબર સુરક્ષા એજન્સી CERT-In એ એન્ડ્રોઇડ યુઝર્સ માટે એક એડવાઇઝરી જાહેર કરી છે. CERT-In ની એડવાઇઝરી Android વર્ઝન 12 અને તેનાથી ઉપરના વર્ઝન પર ચાલતા બધા ડિવાઇસ પર લાગુ પડે છે.

લાખો એન્ડ્રોઇડ યુઝર્સ જોખમમાં મુકાઈ શકે છે. ભારત સરકારની સાયબર સુરક્ષા એજન્સી ઇન્ડિયન કમ્પ્યુટર ઇમરજન્સી રિસ્પોન્સ ટીમ (CERT-In) એ એન્ડ્રોઇડ યુઝર્સ માટે એક એડવાઇઝરી જાહેર કરી છે

આ એડવાઇઝરી Android વર્ઝન 12 અને તેનાથી ઉપરના વર્ઝન પર ચાલતા બધા ડિવાઇસો પર લાગુ પડે છે, પછી ભલે તે કંપની કોઈ પણ હોય.

CERT-In એ એન્ડ્રોઇડના આ વર્ઝનમાં જોવા મળતી ખામીઓને "હાઇ રિસ્ક" તરીકે વ્યાખ્યાયિત કરી છે અને ચેતવણી આપી છે કે આ નબળાઈઓ હુમલાખોરોને સંવેદનશીલ યુઝર્સ ડેટા ઍક્સેસ કરવાની, સેવાઓમાં વિક્ષેપ પાડવા અને ઘણું બધું કરવાની મંજૂરી આપી શકે છે.

CERT-In એ જણાવ્યું હતું કે પ્લેટફોર્મ, ફ્રેમવર્ક, સિસ્ટમ અને ડિવાઇસ કમ્પોનેટ્સમાં ખામીઓને કારણે Android માં બહુવિધ નબળાઈઓ અસ્તિત્વમાં છે, જેમાં આર્મ કમ્પોનેટ્સ, મીડિયાટેક કમ્પોનેટ્સ, યુનિસોક કમ્પોનેટ્સ અને ક્વાલકોમ કમ્પોનેટ્સનો સમાવેશ થાય છે.

ગૂગલે એન્ડ્રોઇડ ઓપન સોર્સ પ્રોજેક્ટ (AOSP) રિપોઝીટરીમાં રિલીઝ થયેલા લેટેસ્ટ સોર્સ કોડ પેચમાં આ સમસ્યાઓનું નિરાકરણ પહેલાથી જ કરી દીધું છે. CERT-In એ યુઝર્સને તેમના ડિવાઇસને લેટેસ્ટ સોફ્ટવેર વર્ઝન પર અપડેટ કરવાનું સૂચન કર્યું છે.

જો તમારું ડિવાઇસ Android 12, Android 12L, Android 13, Android 14, અથવા Android 15 પર ચાલે છે તો તમને જોખમ હોઈ શકે છે.