ગૂગલની યુઝર્સને ભેટ: આ AI વિડીયો મેકિંગ ટૂલ હવે મફતમાં ઉપલબ્ધ, જાણો કારણ

ગૂગલ દ્વારા તેના યુઝર્સને એક ખાસ ભેટ આપવામાં આવી છે. કંપનીના અત્યંત શક્તિશાળી AI વિડીયો નિર્માણ ટૂલ Google Vo3 ને હવે મફતમાં વાપરવા માટે ઉપલબ્ધ કરાવવામાં આવ્યું છે.

આ નિર્ણય પાછળનો મુખ્ય ઉદ્દેશ્ય વધુને વધુ લોકોને ડિજિટલ માધ્યમ દ્વારા તેમની સર્જનાત્મકતા વ્યક્ત કરવા માટે પ્રોત્સાહિત કરવાનો છે.

ગૂગલના સીઈઓ સુંદર પિચાઈએ તાજેતરમાં એક મોટી જાહેરાત કરી છે. કંપનીનું અત્યંત અદ્યતન AI-આધારિત વિડીયો ક્રિએશન પ્લેટફોર્મ ગૂગલ Vo3 હવે દરેક યુઝર માટે મફતમાં ઉપલબ્ધ છે. આ ટૂલ સામાન્ય રીતે ગૂગલ જેમિની એપના પ્રીમિયમ સબસ્ક્રિપ્શન સાથે જ મળતું હતું, પરંતુ હવે તેને કોઈ પણ મર્યાદા વિના ખુલ્લું મૂકવામાં આવ્યું છે, જેથી વધુ લોકો તેનો ઉપયોગ કરી શકે અને તેની ક્ષમતાનો અનુભવ કરી શકે.

ગૂગલના સીઈઓ સુંદર પિચાઈએ Vo3 નામના AI વિડીયો ક્રિએશન પ્લેટફોર્મને મફતમાં ઉપલબ્ધ કરાવ્યું છે. આ AI મોડેલ, જે મે 2025 માં ગૂગલ I/O ઇવેન્ટમાં રજૂ થયું હતું, તે માત્ર ઉચ્ચ ગુણવત્તાના વિઝ્યુઅલ જ નહીં, પરંતુ વિડીયો સાથે સુસંગત સંવાદ, સંગીત અને અન્ય અવાજો પણ બનાવે છે. ભારતીય યુઝર્સ માટે ખાસ Vo3 Fast મોડેલ લોન્ચ કરાયું છે. ગૂગલે આ પગલું યુઝર્સને તેમની સર્જનાત્મકતા વ્યક્ત કરવા માટે પ્રોત્સાહિત કરવા અને તેમના ટૂલની ક્ષમતાઓ દર્શાવવા માટે ભર્યું છે. ભવિષ્યમાં આ પ્લેટફોર્મમાં ઇમેજ-પ્રોમ્પ્ટિંગ ફીચર પણ ઉમેરવામાં આવશે.