Photos: માત્ર 15,000 રૂપિયામાં મળશે કર્વ્ડ ડિસ્પ્લે વાળો 5G સ્માર્ટફોન, જાણો લૉન્ચ ડેટથી લઇને તમામ વસ્તુઓ....

લાવા ઈન્ટરનેશનલ લિમિટેડના પ્રેસિડેન્ટ સુનીલ રૈનાએ થોડા દિવસો પહેલા સોશિયલ મીડિયા પ્લેટફોર્મ પર એક ટીઝર શેર કર્યું હતું

(તસવીર- સોશ્યલ મીડિયા પરથી)

લાવા ઈન્ટરનેશનલ લિમિટેડના પ્રેસિડેન્ટ સુનીલ રૈનાએ થોડા દિવસો પહેલા સોશિયલ મીડિયા પ્લેટફોર્મ પર એક ટીઝર શેર કર્યું હતું, જે ભારતીય બજારમાં લૉન્ચ થનાર લાવાના આગામી સ્માર્ટફોન Lava Blaze Curve 5G માટે હતું. જો કે, તેણે તેના આવનારા ફોન વિશે અન્ય કોઈ વિગતો આપી ન હતી, પરંતુ હવે ધ મોબાઈલ ઈન્ડિયનના એક અહેવાલમાં, આ ફોનની લોન્ચિંગ તારીખ, કિંમત અને કેટલીક વિશેષતાઓ સામે આવી છે. ચાલો તમને બધું કહીએ.

રિપોર્ટ અનુસાર, લાવા તેનો આગામી સ્માર્ટફોન ફેબ્રુઆરી 2024માં લોન્ચ કરી શકે છે. લાવાના આ કર્વ્ડ ડિસ્પ્લે સ્માર્ટફોનની કિંમત લગભગ 15,000 હશે, અને તે ફક્ત એમેઝોન પર વેચાણ માટે ઓફર કરવામાં આવશે.

Lava Blaze Curve 5G માં 6.78 ઇંચની AMOLED ડિસ્પ્લે હોઈ શકે છે, જે ફુલ HD પ્લસ રિઝોલ્યૂશન સાથે આવશે. આ ફોનમાં પ્રોસેસર માટે ડાયમેન્સિટી 7050 ચિપસેટનો ઉપયોગ કરી શકાય છે, જેને સપોર્ટ કરવા માટે ફોનમાં 8GB રેમ અને 128GB સ્ટોરેજ આપવામાં આવી શકે છે.

Lava Blaze Curve 5G ના કેમેરા સેટઅપ વિશે વાત કરીએ તો, આ ફોનના પાછળના ભાગમાં અલ્ટ્રા-વાઇડ લેન્સ અને LED ફ્લેશ સાથેનો 50MP પ્રાઇમરી કેમેરા આપવામાં આવી શકે છે. આ ઉપરાંત આ ફોનમાં 8MP ફ્રન્ટ કેમેરા પણ આપવામાં આવી શકે છે.

Lava Blaze Curve 5G ના પાવર બેકઅપને મજબૂત કરવા માટે, Lava કંપની આ ફોનમાં 5000mAh ની પાવરફુલ બેટરી આપી શકે છે, જે 18W ફાસ્ટ ચાર્જિંગ સપોર્ટ સાથે આવવાની અપેક્ષા છે.

કનેક્ટિવિટી માટે આ ફોનમાં 5G, 4G, વાઇફાઇ, બ્લૂટૂથ, ફિંગરપ્રિન્ટ સ્કેનર, યુએસબી ટાઇપ-સી પોર્ટ સહિત ઘણા ખાસ ફીચર્સ આપવામાં આવી શકે છે. હવે જોવાનું એ રહે છે કે કંપની આ ફોનની લૉન્ચિંગ તારીખ અને સ્પેસિફિકેશન વિશે ક્યારે સત્તાવાર જાહેરાત કરે છે.