એશિયા કપ ભારતમાં નહીં આ દેશમાં રમાશે, BCCIએ આપ્યા અધિકાર

ભારતીય ક્રિકેટ કંટ્રોલ બોર્ડે જાહેરાતમાં જણાવ્યું કે, ‘બીસીસીઆઈ અને અમીરાત ક્રિકેટ બોર્ડે આજે સંયુક્ત અરબ અમીરાતના એશિયા કપના યજમાની માટે એક સમજૂતી પર હસ્તાક્ષર કર્યા છે.’આ સમજૂતી પર દુબઈમાં હસ્તાક્ષર કરવામાં આવ્યા જેમાં બીસીસીઆઈના પ્રતિનિધિત્વ કાર્યકારી સચિવ અમિતાભ ચૌધરી અને મુખ્ય કાર્યકારી અધિકારી રાહુલ જૌહરીએ કર્યા હતા. અમીરાત ક્રિકેટ બોર્ડના ચેરમેન શેખ નાહ્યાન બિન મુબારક અલ નાહયાને હસ્તાક્ષર કર્યા હતા.

એશિયા કપમાં અફગાનિસ્તાન, બાંગ્લાદેશ, ભારત, પાકિસ્તાન અને શ્રીલંકાની ટીમ ભાગ લેશે. ટૂર્નામેન્ટમાં છઠ્ઠી ટીમ એશિયા ક્રિકેટ પરિષદ ક્વાલિફાયર ટૂર્નામેન્ટની વિજેતા હશે. ટૂર્નામેન્ટનું આયોજન 15 થી 28 સપ્ટેમ્બર સુધી અબૂધાબી અને દુબઈમાં કરવામાં આવશે.