ક્રિકેટમાં કોરોનાની એન્ટ્રી થતાં એમ્પાયરે ચાલુ મેચને અડધેથી કરી દીધી રદ્દ, જાણો વિગતે

આ મેચ રદ્દ થતાં હવે એશિયા કપ અંડર-૧૯ વન ડેમાં ૩૦મી ડિસેમ્બરના રોજ ભારત અને બાંગ્લાદેશ વચ્ચે સેમિ ફાઈનલ મેચ રમાશે.

Cricket

શારજહાંઃ કોરોનાનો કેર ફરી એકવાર હવે ક્રિકેટમાં સામે આવ્યો છે. તાજેતરમાં જ કોરોનાના કારણે ક્રિકેટ મેચનો અડધેથી પડતી મુકવામાં આવી છે. હાલમાં યુએઈમાં ચાલી રહેલા એશિયા કપ અંડર-૧૯ વન ડે ટૂર્નામેન્ટમાં બાંગ્લાદેશ અને શ્રીલંકા વચ્ચેની મેચમાં કોરોના વિલન બન્યો અને એમ્પાયરે મેચને અડધેથી પડતી મુકવાનો નિર્ણય કર્યો હતો.

એશિયા કપમાં કોરોના વાયરસને કારણે અધિકારીઓએ મેચ રદ્દ કરી દીધી હતી. હવે સેમિફાઇનલ ગુરુવારે રમાશે, જેમાં ભારતની ટક્કર બાંગ્લાદેશ સામે થશે, ગૃપ બીની અંતિમ મેચમાં 32.4 ઓવર રમાઇ હતી આ દરમિયાન બે અધિકારીઓને કૉવિડ-19 પૉઝિટીવ આવ્યો હતો, આ પછી એમ્પાયરોએ આ મેચને રદ્દ કરવાનો ફેંસલો કર્યો હતો. 

આ મેચ રદ્દ થતાં હવે એશિયા કપ અંડર-૧૯ વન ડેમાં ૩૦મી ડિસેમ્બરના રોજ ભારત અને બાંગ્લાદેશ વચ્ચે સેમિ ફાઈનલ મેચ રમાશે. જ્યારે અન્ય સેમિ ફાઈનલમાં પાકિસ્તાન અને શ્રીલંકા વચ્ચે ટક્કર થશે. બન્ને સેમિ ફાઈનલ ૩૦મી ડિસેમ્બરે જ સવારે ૧૧.૦૦થી શરૂ થશે. 

અધિકારીઓએ જણાવ્યું છે કે, બન્ને અધિકારીઓની સ્થિતિ સારી છે અને સારવાર ચાલી રહી છે. આ મેચની સાથે જોડાયેલા તમામનો કોરોના ટેસ્ટ કરવામાં આવી રહ્યો છે, પરિણામ ન આવે ત્યાં સુધી બધા આઇસોલેશનમાં રહેશે. જે પછી આગળની માહિતી આપવામાં આવશે.

મેચ પડતી મૂકાતાં બાંગ્લાદેશની ટીમનો રનરેટ વધુ સારો હોવાથી તેઓ પ્રથમ સેમિ ફાઈનલમા ભારત સામે ટકરાશે. જ્યારે બીજી સેમિ ફાઈનલમાં શ્રીલંકા પાકિસ્તાન સામે ટકરાશે. ફાઈનલ મેચ ૩૧મી ડિસેમ્બરે દુબઈમાં રમાશે.

 

આ પણ વાંચો..........