RCB Qualification Scenario: પ્લેઓફમાં કેવી રીતે પહોંચી શકે છે સ્મૃતિ મંધાનાની ટીમ RCB, જાણો સમીકરણ

RCB Qualification Scenario: જોકે, ટીમ હજુ પણ પ્લેઓફમાં સ્થાન મેળવી શકે છે. RCB ટોપ 3માં રહીને પ્લેઓફ માટે કેવી રીતે ક્વોલિફાય થઈ શકે છે

RCBW

Source : PTI

How can RCB qualify for WPL 2025 Playoffs:  મહિલા પ્રીમિયર લીગની ડિફેન્ડિંગ ચેમ્પિયન રોયલ ચેલેન્જર્સ બેંગલુરુએ સીઝનની શરૂઆત સારી રીતે કરી છે. સ્મૃતિ મંધાનાની કેપ્ટનશીપ હેઠળ ટીમે પ્રથમ 2 મેચ જીતી હતી. તેને સીઝનની ત્રીજી મેચમાં હાર મળી હતી ત્યારથી ટીમ જીત માટે સંઘર્ષ કરી રહી છે. RCB તેની છેલ્લી મેચમાં દિલ્હી કેપિટલ્સ સામે 9 વિકેટથી હારી ગયું હતું, ત્યારબાદ તેનો નેટ રન રેટ વધુ ખરાબ થયો હતો. જોકે, ટીમ હજુ પણ પ્લેઓફમાં સ્થાન મેળવી શકે છે. RCB ટોપ 3માં રહીને પ્લેઓફ માટે કેવી રીતે ક્વોલિફાય થઈ શકે છે.

મહિલા પ્રીમિયર લીગ 2025માં RCB ની સફર વિશે વાત કરીએ તો પોતાની પહેલી મેચમાં તેણે ગુજરાત જાયન્ટ્સને 6 વિકેટથી હરાવ્યું હતું. તેની બીજી મેચમાં તેણે દિલ્હી કેપિટલ્સ સામે 8 વિકેટે વિજય મેળવ્યો હતો. આ પછી તેને મુંબઈ ઇન્ડિયન્સ, યુપી વોરિયર્સ, ગુજરાત જાયન્ટ્સ અને દિલ્હી કેપિટલ્સ સામે હારનો સામનો કરવો પડ્યો હતો. સતત ચોથી મેચ હાર્યા બાદ RCB પોઈન્ટ ટેબલમાં ચોથા સ્થાને આવી ગયું છે. RCBના 4 પોઈન્ટ છે અને તેનો નેટ રન રેટ માઈનસ (-0.244) માં છે.

WPL 2025 પ્લેઓફમાં પહોંચવાની RCBના સમીકરણો

મહિલા પ્રીમિયર લીગ 2025ના ગ્રુપ સ્ટેજમાં બધી ટીમો 8 મેચ રમશે. RCB પાસે હજુ 2 મેચ બાકી છે. તેણે પહેલા 8 માર્ચે યુપી વોરિયર્સ સામે રમવાનું છે. તેની બીજી અને છેલ્લી મેચ મુંબઈ ઇન્ડિયન્સ સામે છે. પ્લેઓફમાં પહોંચવાની આશા જીવંત રાખવા માટે સૌ પ્રથમ આ બંને મેચ જીતવી જરૂરી છે.

જો RCB બંને મેચ જીતે છે તો તેના 8 પોઈન્ટ થશે. તેણે પોતાનો નેટ રન રેટ પણ સુધારવો પડશે જેના માટે તેને મોટી જીતની જરૂર પડશે. આવી સ્થિતિમાં યુપી, ગુજરાત અને મુંબઈની મેચોના પરિણામો પણ તેની પ્લેઓફમાં પહોંચવાની સંભાવનાઓને અસર કરશે. જો RCB એક મેચ હારી જશે તો તે મહિલા પ્રીમિયર લીગ પ્લેઓફની રેસમાંથી બહાર થઈ જશે.

ગુજરાત જાયન્ટ્સ તેમની બંને મેચ હારી જાય તેવા કિસ્સામાં તેના ફક્ત 6 પોઈન્ટ હશે. જો મુંબઈ ઈન્ડિયન્સ યુપી અને ગુજરાતને હરાવીને 10 પોઈન્ટ મેળવે છે, તો તેઓ ક્વોલિફાય થઈ જશે. હવે RCB એ બંને મેચ જીતીને 8 પોઈન્ટ મેળવવા પડશે. આવી સ્થિતિમાં યુપી પાસે ફક્ત 4 પોઈન્ટ બચશે. આ સ્થિતિમાં RCB ટોચના 3માં આવશે અને ક્વોલિફાય થશે.

WPL 2025 ના પ્લેઓફમાં પહોંચનારી ટીમો

મહિલા પ્રીમિયર લીગ 2025 માં પ્લેઓફ માટે હાલમાં ફક્ત એક જ ટીમે પોતાનું સ્થાન કન્ફર્મ કર્યું છે. દિલ્હી કેપિટલ્સે 5 જીત સાથે 10 પોઈન્ટ મેળવ્યા છે અને પ્લેઓફમાં પહોંચનારી પ્રથમ ટીમ બની છે. હાલમાં 4 અન્ય ટીમો પ્લેઓફની રેસમાં છે.