વિસ્ફોટક ઈનિંગ બાદ વાયરલ થયું સૂર્યકુમાર યાદવનું નમસ્તે સેલિબ્રેશન, જુઓ વીડિયો

IND vs WI, 3rd T20: સૂર્યકુમારે વેંકટેશ અય્યર સાથે મળીને ટીમ ઈન્ડિયાને મોટા સ્કોર સુધી પહોંચાડી હતી. તેણે 31 બોલમાં 7 સિક્સ અને એક ફોરની મદદથી 65 રન બનાવ્યા હતા

તસવીર સૌજન્યઃ બીસીસીઆઈ ટ્વીટર

Suryakumar Yadav News: ભારત અને વેસ્ટ ઈન્ડિઝ વચ્ચે રમાયેલી T20 અને ODI શ્રેણીમાં સૂર્યકુમાર યાદવે શાનદાર બેટિંગ કરી હતી. તે ODI શ્રેણીમાં સૌથી વધુ રન બનાવનાર બેટ્સમેન હતો. જ્યારે ટી20 શ્રેણીમાં તે આ મામલે બીજા સ્થાને રહ્યો હતો. સૂર્યકુમારે ટી20 શ્રેણીની છેલ્લી મેચમાં કોલકાતામાં તોફાની અડધી સદી ફટકારી હતી. આ અડધી સદી બાદ તેણે ચાહકો અને બધાને ખાસ રીતે શુભેચ્છા પાઠવી હતી. તેનો વીડિયો સોશિયલ મીડિયા પર વાયરલ થઈ રહ્યો છે.

સૂર્યકુમારે વેંકટેશ અય્યર સાથે મળીને ટીમ ઈન્ડિયાને મોટા સ્કોર સુધી પહોંચાડી હતી. તેણે 31 બોલમાં 7 સિક્સ અને એક ફોરની મદદથી 65 રન બનાવ્યા હતા. જ્યારે વેંકટેશે 19 બોલમાં અણનમ 35 રન બનાવ્યા હતા. અડધી સદી ફટકાર્યા બાદ સૂર્યકુમારે ચાહકો અને બધાને હેલો કહીને શુભેચ્છા પાઠવી હતી. તેમના સેલિબ્રેશનનો આ વીડિયો સોશિયલ મીડિયા પર ખૂબ પસંદ કરવામાં આવી રહ્યો છે.

pic.twitter.com/GPwV30pIGZ

— Sports Hustle (@SportsHustle3) February 20, 2022

સૂર્ય કુમારે ODI શ્રેણીની 3 મેચમાં 104 રન બનાવ્યા હતા. આ દરમિયાન તેણે અડધી સદી ફટકારી હતી. જ્યારે ટી20 શ્રેણીની ત્રણ મેચમાં 107 રન બનાવ્યા છે. તેણે ટી20 સિરીઝમાં 8 સિક્સ અને 7 ફોર ફટકારી હતી. જો સૂર્યકુમાર આવું જ પ્રદર્શન ચાલુ રાખશે તો તે ટીમ ઈન્ડિયાના મિડલ ઓર્ડરમાં પોતાનું સ્થાન નિશ્ચિત કરશે.

આ પણ વાંચોઃ 

બજેટ 2022થી કેવી રીતે બદલાશે શિક્ષણ ક્ષેત્રની દિશા ? PM મોદીએ જણાવી આ પાંચ વાત