'વિરાટે ઘમંડ છોડવો પડશે ને જૂનિયરના હાથ નીચે રમતા શીખવુ પડશે'- વર્લ્ડકપ વિનિંગ કેપ્ટને આપી કોહલીને આપી સલાહ

કોહલીએ એક પરિપક્વ વ્યક્તિ છે, તેને ઘણો વિચાર કર્યા બાદ જ આ ફેંસલો લીધો હશે. તે તેની કેપ્ટનશીપને એન્જૉય ન હતો કરી રહ્યો.

Virat_Kohli_08

નવી દિલ્હીઃ ભારતીય ટીમની ટેસ્ટ કેપ્ટનશીપ છોડ્યા બાદ દેશ અને વિદેશી ક્રિકેટરો વિરાટ પર પ્રતિક્રિયાઓ આપી રહ્યાં છે. પૂર્વ વર્લ્ડકપ વિનર કેપ્ટન કપિલ દેવે પણ વિરાટને મોટી સલાહ આપી છે. કપિલે વિરાટને પોતાનો ઇગો છોડીને ક્રિકેટ રમવા કહ્યું છે. કપિલ દેવે ભારતીય ટીમને 1983માં વર્લ્ડકપ વિજેતા બનાવી હતી. 
 
પૂર્વ ક્રિકેટર કપિલ દેવે મિડ ડે સાથે વાત કરતા કહ્યું કે, કોહલીના ફેંસલાનુ સ્વાગત કરુ છું. ટી20 કેપ્ટનશીપ છોડ્યા બાદથી તે ખુબ મુશ્કેલ સમયમાંથી પસાર થઇ રહ્યો હતો. તેના માટે કેપ્ટન પદ છોડવુ જ એકમાત્ર ઓપ્શન હતો, કેમ કે તે ખુબ તણાવ અને દબાણમાં હતો.

કપિલે દેવે કહ્યું કે કોહલીએ એક પરિપક્વ વ્યક્તિ છે, તેને ઘણો વિચાર કર્યા બાદ જ આ ફેંસલો લીધો હશે. તે તેની કેપ્ટનશીપને એન્જૉય ન હતો કરી રહ્યો. તેને શુભકામના આપવી જોઇએ. તેમને વધુમાં કહ્યું કે જૂનિયર પ્લેયરના અંડરમાં રમવામાં તેને કોઇ સમસ્યા નહીં હોય. કપિલે કહ્યું કે સુનીલ ગાવસ્કર પણ મારી અંડરમાં રમ્યો હતો, શ્રીકાંત અને મોહમ્મદ અઝરુદ્દીનના અંડરમાં હુ પણ રમ્યો હતો. ખરેખરમાં કોહલીએ ઇગો છોડવો પડશે અને કોઇ યંગ ક્રિકેટરના અંડરમાં રમવુ પડશે, અને તેની કેરિયર અને ટીમ ઇન્ડિયા માટે મદદરૂપ બનશે. વિરાટ નવા કેપ્ટન અને ખેલાડીઓને ગાઇડ કરી શકે છે. આપણે વિરાટ જેવા બેટ્સમેનને નથી ગુમાવી શકતા.

🇮🇳 pic.twitter.com/huBL6zZ7fZ

— Virat Kohli (@imVkohli) January 15, 2022

--

આ પણ વાંચો---